சுவாமிமலை முஸ்லிம் ஜமாஅத்

காதல் முக்கியமா? உறவு முக்கியமா?

2012-02-13T10:12:00.004+03:00

இந்த காதல் நம் இஸ்லாமிய பெண்களையும் விட்டுவைக்கவில்லை, பள்ளிக்கு போய்

கல்விக்கு பதிலாக கலவியை தான் கற்றுக்கொண்டு வருகிறார்கள் என்பது சிலரின்

கருத்து.

காதலர் தினம் என்ற பெயரிலே எவ்வளவு கூத்து கும்மாளம் நடக்கிறது,மேற்கத்திய நாடுகளிருந்து வந்தது தான் இந்த காதலர் தினம் .நம்முடைய
இஸ்லாமிய சகோதரிகளிடம் இந்த காதல் நோய் தொற்றிகொண்டது என்பது தான் மிகபெரிய கவலை.

பெற்றோர்கள் தன பெண் பிள்ளைகளை நம்பி பள்ளிக்கு அனுப்புகிறார்கள். ஆனால்
இவர்கள் காதல் வலையில் சிக்கி, பெற்றோர்களை தலை குனிய வைக்கிறார்கள்.
இன்றைய சூழ்நிலையில் தவறான வழியில் போவதற்கு நிறைய வழிகள் இருக்கிறது.
வயதும் மற்றும் சூழ்நிலையும் தவர் செய்வதற்கு வழி வகுக்கிறது என்பது
உண்மை.

ஒரு காலத்தில் பெண் பிள்ளைகளுக்கு பாலியல் பற்றி தெரிய வாய்ப்பு இல்லை
அவர்கள் அதிகமாக வீட்டில்தான் இருப்பார்கள். பொழுதுபோக்கு என்பது ரேடியோ
மட்டும்தான் இருக்கும். டிவி இருக்கும் வீடு விரலைவிட்டு எண்ணும்
அளவுக்கு தான் இருக்கும். இன்றைய காலத்தில் வீட்டில் இருந்தப்படியே
எல்லாம் பார்க்கலாம் ,பேசலாம் எதுவேண்டுமானாலும் செய்யலாம். ஒரு பெண்ணை
படிக்கவைத்து, படிப்புக்கு பிறகு அவளுக்கு திருமணம் செய்வதற்கு பேசி
முடித்து, பெற்றோர்கள் சந்தோஷமாக இருக்கும் நிலையில், அந்த பெண்
திடிரென்று யாரோ ஒருவனுடன் ஓடிவிடுகிறாள் இப்படியெல்லாம் நடக்கிறது
என்பது உண்மைதானே?

உறவை விட காதல் தான் முக்கியம் என்று கொஞ்சம் கூட சிந்திக்காமல் சில
நாட்கள் பழகிய ஒருவனுடன் இப்படி ஓடும் எதனை பெண்கள் ,அந்த குடும்பத்தின்
நிலை என்ன? அந்த குடுபத்தில் இன்னுரு பெண் இருந்தால் அவள் நிலை என்ன?
சிந்திக்க வேண்டாமா? அன்பு சகோதரிகளே! அல்லாஹ்வை அஞ்சி கொள்ளுங்கள்!
பெற்றோரை கண்ணிய படுத்துங்கள்! ஆசை அறுபது நாள் மோகம் நுப்பது நாள் என்று
சொல்வார்கள். வேண்டாம் இந்த காதல். விபரிதம் தெரியாமல் இந்த காதலில்
சிக்கி விடாதீர்கள்!

உங்கள் குடும்பத்தை தலை குனிய வைத்துவிடாதீர்கள், உறவு தான் முக்கியம்
அது தான் கடைசி வரை வரும் என்பதை மறந்து விடாதீர்கள்! அந்த காதல் இந்த
காதல் கள்ள காதல் சொல்லாத காதல் சுகமான காதல் ஊரை சுற்றும் காதல் இப்படி
பலவகை காதல் இருக்கிறது. உண்மையான காதல் என்பது எது என்று புரிந்து
கொள்ளுங்கள். திருமணத்திற்குப்பிறகு உங்கள் துணையுடன் கொள்ளும் காதலே
உண்மையானது, நிலையானது என்பதை புரிந்து கொள்ளுங்கள்.பள்ளிக்கு போனால்
படிப்பை மட்டும் கவனியுங்கள். பெறோர்கள் உங்களை நம்பி அனுப்புகிறார்கள்
அவர்களுக்கு மோசம் செய்யாதீர்கள்! யாருக்கு உங்கள் செல் போன் நம்பரை கொடுக்காதீர்கள்!

அல்லாஹ்!! எங்களுக்கும் உங்களுக்கும் நற்கிருபை செய்வானாக, ஆமீன்.

THANKS..

A.ABDUL RASHEED SAIT

வெளிநாட்டில் வேலை பார்க்கும் சகோதரர்களுக்காக இணைய தளம் மூலம் சகோதரர் P.J அவர்கள்

2012-02-06T23:10:00.002+03:00

வெளிநாட்டில் வேலை பார்க்கும் சகோதரர்களுக்காக இணைய தளம் மூலம் சகோதரர் பி.ஜெ அவர்கள் “வெளிநாடு செல்வோர் கவணத்திற்கு” என்ற தலைப்பில் ஆற்றிய உரையை சகோதரர் ஹிஷாம் M.I.Sc எழுத்து வடிவமாக்கியுள்ளார். அழைப்பு மாத இதழில் வெளியிடப்பட்ட இவ்வாக்கத்தை காலத்தின் தேவை கருதி இங்கும் வெளியிடுகிறோம். (M.I.Sc)

நபி(ஸல்)அவர்கள் கூறினார்கள் அனைத்து சமுதாயத்திற்கும் சோதனை இருந்தது.எனது சமுதாயத்தின் சோதனை செல்வம் ஆகும்.

அறிவிப்பவர் : கஅப் பின் இயாழ் (ரழி) அவர்கள். ஆதாரம்: அஹ்மத் 17137

இன்றைய நாட்டு விலை வாசி அதிகரிப்பின் காரணமாக அதிகமான வருமானம் இருந்தால் தான் குடும்பத்தை நல்ல முறையில் கொண்டு செல்ல முடியும் என்ற நிலை ஏற்பட்டுள்ளது. இதன் விளைவாக இன்று நம்முடைய சமுதாயத்தில் அதிகமான மக்கள் வெளிநாட்டிக்கு சென்று உழைத்து வெளிநாட்டு வருமானத்தையே நம்பி இருப்பதை நாம் காணமுடிகிறது.

அவ்வாறு இருந்தாலும் சிலர் தவிர்க்க முடியாத காரணத்தினால் வெளிநாட்டி வருமானத்தையே நம்பி இருக்கின்றார்கள்.எனவே வெளிநாடு செல்லக்கூடியவர்கள் சில விடயங்களை மனதில் பதிய வைத்துக்கொண்டு உழைப்பை தொடர்ந்தால் அவர்கள் விரைவாக தங்கள் தாய் நாட்டிற்கு வந்து குடுப்பத்துடன் வாழ்கையை மகிழ்ச்சியாக தொடர முடியும் என்ற நம்பிக்கையில் சில ஆலோசனைகளை உங்களுக்கு வழங்களாம் என்று நினைக்கிறோம்.

முதலில் வெளிநாடு செல்லாமல் தாய் நாட்டில் இருந்தே உழைப்பதற்கு முழு முயற்சியையும் மேற்கொள்ள வேண்டும்.அவ்வாறு முடியாமல் நிர்பந்தமாகும் கட்டத்தில் அங்கு உழைக்கக்கூடியவர்கள் குறிப்பாக கவனத்தில் கொள்ளவேண்டிய சில விஷயங்கள் இருக்கிறது.

செலவைக் கட்டுப்படுத்துதல்.

வெளிநாடு சென்று உழைக்கக்கூடியவர்கள் பெரிய தியாகத்தையே மேற்கொள்கின்றனர். நமது நாட்டில் குறைந்த வருமானத்திற்கு தொழில் செய்து கொண்டு இருந்தவர்கள் வெளி நாட்டுக்குச் சென்று உழைக்க ஆரம்பிக்கும் போது பணத்தை வீனாக செலவு செய்வதைப் பார்க்கலாம்.

இதன் விளைவாக வெளிநாட்டில் இருந்து உழைக்கக்கூடிய காலம் அதிகரித்துக்கொண்டே செல்கிறது. எனவே வெளிநாடு செல்லக்கூடியவர்கள் முதலில் அவர்கள் நினைக்க வேண்டியது என்வென்றால் நாம் பல வருடங்கள் வெளிநாட்டில் கழித்துவிடக் கூடாது. சில குறிப்பிட்ட காலங்கள் மாத்திரம் அங்கு இருந்து ஒரு குறிப்பிட்ட அளவு பொருளாதாரத்தை உழைத்துவிட்டு தாயகம் சென்று ஒரு சிறந்த தொழிலை ஏற்படுத்தி குடும்பத்துடன் மகிழ்ச்சியாக இருக்கவேண்டும்.

இந்த சிந்தனையிலே அங்கு இருக்கக்கூடியவர்கள் பணத்தை சேமிக்க முயற்ச்சி செய்ய வேண்டும். அதற்கு எந்த வழிமுறையை கையால முடியும் என்றால் வீட்டுக்கு பணம் அனுப்பும் போது அதிமாக அனுப்பாமல் தாய்நாட்டில் இருக்கும் போது உங்களால் எவ்வளவு உழைக்க முடியுமோ அந்த தொகையையே வீட்டுக்கு அனுப்பி வைக்களாம். அப்படியிருந்தால் நீங்கள் தாயகம் திருப்பிய போதும் உங்கள் குடும்பத்தை சுலபமாக நல்ல முறையில் வழி நடத்தலாம்.

நீங்கள் வெளிநாட்டில் இருக்கும் போது அதிகமாக பணம் அனுப்பி அதிகமாக செலவு செய்ய பலக்கினீர்கள் என்றால் உங்களுக்கு எதிர் காலத்தில் இலகுவாக வாழ்கையை கொண்டு செல்லமுடியும்.எனவே குறிப்பிட்ட தொகையை மட்டும் அனுப்பிவிட்டு மீதியை சேமித்து வைப்பதற்கு முயற்சி செய்யவேண்டும். இன்றைக்கு அதிகமானவர்களின் நிலை என்வென்றால் ஒரு தொழிலை ஆரம்பிக்கவேண்டும் என்ற சிந்தனையில் தாயகம் வருகிறார்கள்.

ஆனால் அவர்கள் தாயகத்தில் இருக்கின்ற காலத்தில் செலவை கட்டுப்படுத்த முடியாமல் மூலதனமாக வைத்திருந்து பணத்தையும் செலவு செய்துவிட்டு கடனாளியாக மீண்டும் வெளிநாட்டு புரப்படுகிறார்கள். ஆரம்பத்தில் இருந்து மனைவியிடம் செலவை குறைத்துக் கொள்வதற்கு முயற்ச்சிகளை மேற்கொள்ளாமல் இருந்ததுதான் காரணம். எனவே இந்த தகவலை மனதில் பதிந்து கொள்ளவேண்டும்

அடுத்தவர்களுக்கு பொருட்களை கொண்டு வருதல்.

அடுத்ததாக வெளிநாட்டில் இருந்து தாயகம் திரும்பும் போது குடும்பத்தினருக்கு பொருட்கள் கொண்டு செல்ல வேண்டும் என்ற எண்ணத்தில் வெளிநாட்டில் இருந்து வரும் போது அதிகமான பொருட்களை வாங்கி கொண்டு வந்து அவர்கள் சேமித்து வைத்து இருந்த பணத்தை இழந்து விடுகின்றனர்.இன்றைய காலத்தை பொருத்த அளவில் அனைத்து பொருட்களையும் தாய் நாட்டிலே வாங்குவதற்கு எல்லா ஏற்பாடுகளும் இருக்கின்றன.வெளிநாட்டை விட குறைவாகவே வாங்கமுடியும்.வெளிநாட்டில் இருந்து வரும் போது அடுத்தவர்கள் தன்னை தரக்குறைவாக நினைத்து விடுவாரகள் என்ற எண்ணத்தில் விலை அதிகமாக இருந்தாலும் அங்கு இருந்து வாங்கி கொண்டு வருகின்றனர்.

அது மட்டுமல்லாமல் உறவினர்களுக்கும் எதாவது கொடுக்கவேண்டும் என்ற பெயரில் அவர்களுக்கு ஆடை வகைகள், வேறு பொருட்கள் பல ஆயிரங்கள் கொடுத்து வாங்கி வருகின்றார்கள் அவற்றையும் நமது நாட்டில் குறைந்த விலைக்கு வாங்க முடியும்.

இப்படி தேவை அற்ற செலவுகள் பல இருக்கிறன எனவே அவற்றை தவிர்த்துக் கொள்ள வேண்டும். இதற்காக செலவு செய்யும் பணத்தை சேமித்தால் பெரிய தொகை பணத்தை சேமித்து வைக்கமுடியும். ஆரம்ப காலத்தில் தான் வெளிநாட்டில் உள்ள பொருட்களுக்கு மதிப்பாக இருந்தது இப்போது அனைத்தையும் தாய் நாட்டில் வாங்க முடியும் என்பதனால் பெரிதாக எந்து மதிப்பும் இல்லை. அதையும் மனதில் வைத்துக்கொள்ளுங்கள். எனவே அங்கு இருக்கக்கூடியவர்கள் குறிப்பிட்ட காலத்தில் பணத்தை திரட்டி விட்டு நாடு திரும்பி ஒரு தொழிலை தொடங்குவதற்கு ஏற்பாடு செய்வேண்டும்.இல்லை என்றால் வெளிநாட்டிலேயே காலம் கழிந்துவிடும்.

சொத்துக்களை சேமிக்கும் விதம்.

வெளி நாட்டில் உழைக்கக்கூடியவர்கள் ஒரு மிகப்பெரிய தவறு செய்து விடுகின்றனர். அதாவது சொத்துக்களை வாங்க வேண்டும் என்ற எண்ணத்தில் அதிகமான சொத்துக்களை வாங்கி விடுகின்றனர். அது பிழையில்லை ஆனால் எங்கு பிழை செய்கிறார்கள் என்றால் சொத்ததுக்களை வாங்கும் போது தங்கள் மனைவிமார்களின் பெயரிலும் உறவினர்களின் பெயரிலும் வாங்கி விடுகின்றனர். அவர்கள் மீது வைத்துள்ள அதிகப்படியான நம்பிக்கையால் இவ்வாறு செய்து விடுகின்றனர்.

இறுதியில் சொத்துக்கள் மனைவியின் பெயரில் இருக்கின்ற காரணத்தினால் மனைவி கணவனுக்கு கட்டுப்பட மறுக்கிறாள் ஏதாவது ஒன்று என்றால் கணவனை கூட மதிக்காமல் அனைத்தையும் தூக்கி எறிந்து விட்டு கணவனின் சொத்துக்களை சுரையாடிக்கொண்டு சென்று விடுகின்றாள்.

அனைவரும் அப்படி இல்லவிட்டாலும் இன்று பணத்தின் மீதுள்ள பற்றின் காரணமாக இவ்வாறு செய்து விடுகின்றனர்.இறுதியில் கணவன் பல வருடங்கள் வெளிநாட்டில் சென்று உழைத்த பணத்தை எல்லாம் இழந்து விட்டு நடுத்தெருவில் நிற்கின்றனர். எனவே அடுத்தவர்களை அதிகமாக நம்பாமல் தன்னையே நம்பி உங்களது பெயரிலேயே சொத்துக்களை வாங்கி கொள்ளுங்கள்.

ஒருவர் நல்லவராக இருந்தாலும் நீங்கள் அவர்கள் மீது வைக்கின்ற அதிகப்படியான நம்பிக்கையின் காரணமாக அவர்கள் வழி தவறி விடுகின்றனர். இன்று அடுத்தவர்களை நம்பி அனைத்து சொத்துக்களையும் இழந்தவர்கள் பலர் இருக்கின்றனர். எனவே உங்கள் குடும்பத்தினர்களின் பெயரிலோ உங்கள் நண்பர்களின் பெயரிலோ சொத்துக்களை வாங்கி ஏமாற்றம் அடையாமல் உங்கள் பெயரிலேயே வாங்கி கொள்ளுங்கள்.அனைவரும் நம்பிக்கை மோசடி செய்வார்கள் என்பதல்ல ஒரு பாதுகாப்புக்காக இவ்வாறு பண்ணிக்கொள்ளுங்கள்.

மனைவி விஷயத்தில் அதிக கவனம் செலுத்துதல்.

வெளி நாடு செல்லும் போது தங்கள் மனைவியை, மனைவியின் தாயின் வீட்டில் அல்லது யாரும் இல்லா பகுதிகளில் தனியாக விட்டுவிட்டு சென்று விடுகின்றனர். இதன் விளைவாக இன்று பல தவறான காரியங்கள் நடப்பதற்கு வாய்ப்பு உள்ளது.மனைவியை கணவனின் தாயார் வீட்டில் விட்டுச் செல்வதால் தவறுகள் நடக்க வாய்ப்புக்கள் மிகக் குறைவு. இயற்கையிலே மாமியார் மருமகளை அதிகமாகவே கண்காணிப்பது வழக்கம்.

எனவே அவர்களுக்கும் தவறு செய்வதற்கு சந்தர்ப்பம் ஏற்படாது. மனைவியின் தாயார் வீட்டில் இருக்கும் போது தவறுகள் நடந்தாலும் தன் மகள் என்ற காரணத்தால் அதனை பெரியதாக நினைக்கமாட்டார்கள்.

இன்று பல இடங்களில் கணவன் மனைவியை தனியாக விட்டுச் சென்றதின் காரணமாக தவரான தொடர்புகள் ஏற்படுகின்றன.எனவே தவறுகள் செய்வதற்கு நாம் எந்த விதத்திலும் வாய்ப்பை ஏற்படுத்தக்கூடாது. வெளிநாடு செல்பவர்களின் மனைவியர் அனைவரும் தவறு செய்வார்கள் என்று கூறவில்லை. சமுக சுழல்தான் ஒருவர் தவறு செய்வதற்கு காரணமாக அமைகிறது அதை நாமே ஏற்படுத்திக் கொடுக்கக் கூடாது.

அது மாத்திரம் இல்லாமல் மாமியார் வீட்டில் இருக்கும் போது காசை வீனாக செலவு செய்வதற்கும் யோசனை செய்வார்கள். வீனாக செலவு செய்தால் மாமியார் கண்டிப்பார் அல்லது கணவணிடம் சொல்லுவார் என்ற பயம் உள்ளத்தில் இருக்கும்.

எனவே இது போன்ற விஷயங்களை கவணத்தில் கொண்டு வெளிநாட்டில் இருக்ககூடியவர்கள் உழைக்கச் நினைத்தால் தன் குடும்பத்தையும் பாதுகாத்து விரைவாக தன் தாய்நாட்டிற்கு வந்து தன் குடும்பத்துடன் மகிழ்ச்சியாக வாழ்கையை தொடரலாம்.

http://www.rasminmisc.tk/

மழை நீர் சேகரம் Rain Water Harvesting

2012-02-01T00:08:00.002+03:00

மழை நீர் சேகரம்
பெரு நகரங்களில் மழை நீர் சேகரிப்பு முறைகள்.

சராசரியாக நிலத்தில் பெய்யும் மழையில், 40% நிலத்தின் மேல் ஓடி கடலில் கலப்பதாகவும், 35% வெயிலில் ஆவியாகுவதாகவும், 14% பூமியால் உறிஞ்சப்படுவதாகவும், 10% மண்ணின் ஈரப்பதத்திற்கு உதவுவதாகவும் கணக்கிடப்பட்டுள்ளது.

ஆனால் தற்போது பெருநகரங்களில் வீடுகள், கட்டிடங்கள் அருகருகாக கட்டப்படுவதும், தவிர திறந்தவெளிகளையும் சிமெண்ட் தளங்கள் அமைத்தும், தார் சாலைகள் அமைத்தும் மூடி விடுவதால், இங்கு பெய்யும் மழை நீரில் 5% அளவிற்கு கூட நிலத்தில் உறிஞ்சப்படுவதில்லை. கடலோர நகரங்களில் நிலத்தினுள் புகும் நீர் அளவு குறைந்து, ஆழ்குழாய் கிணறுகள் மூலம் நிலத்தடி நீர் அதிகமாக எடுக்கப்படும் போது, கடல் நீர் நிலத்தடியில் கலந்து பயன்படுத்த இயலாத அளவிற்கு மாறி விடுகிறது. இதனை மழை நீர் சேகரிப்பு முறைகள் மூலம் தவிர்க்கலாம்.

சேகரிக்கும் முறைகள்:
நெரிசலான பெரு நகரங்களில், வீடுகள், கட்டிடங்களின் கூரையில் விழும் மழை நீரை குழாய்கள் மூலமாக பூமியில் அமைக்கப்படும் 'சம்ப்' நீர்தொட்டியில் சேகரிக்கலாம். மழை பருவத்திற்கு முன் கூரைகளை சுத்தம் செய்வதும், பொதுவாகவே கூரை, மொட்டை மாடியை சுத்தமாக வைத்துக் கொள்வதும் நல்லது.

உறிஞ்சு குழிகள் (Percolation Pits):
தற்போது நகரங்களில் அபார்ட்மெண்ட் கட்டிடங்கள் மற்றும் வீடுகளைச் சுற்றி காம்பவுண்டு சுவர் வரை சிமெண்ட் தளங்கள் அமைத்து விடுவதால் அங்கு பெய்யும் மழை முழுவதுமாகவே பயனில்லாமல் சாலைக்கு ஓடி, கால்வாய்கள் மூலமாக சாக்கடையுடன் கலக்கிறது. சென்னை போன்ற கடலோர நகரங்களில் இவை முழுவதுமாக கடலில் சென்று கலந்து விடுகிறது.

இதை தவிர்த்து நிலத்தடி நீரை பாதுகாக்க கட்டிடங்களச் சுற்றி ஆங்காங்கு 3 அடி ஆழமும் 12 அங்குல விட்டமும் கொண்ட துளைகள் அமைத்து, அவற்றை கூழாங்கல், மணல் முதலிவற்றால் நிரப்பி துளைகள் இடப்பட்ட 'சிலாப்'கள் கொண்டு மூடி விடலாம்.

இந்த முறையில் சுமார் ஒரு கிரவுண்டு (ஐந்தரை செண்ட்) இடத்தில் கட்டப்பட்ட வீடுகளைச் சுற்றி சுமார் 5 அல்லது 6 உறிஞ்சு குழிகள் அமைப்பது நிலத்தடி நீரின் அளவையும், தரத்தையும் உயர்த்த உதவும். சாதாரணமாக இவ்வாறு உறிஞ்சு குழிகள் அமைக்கப்பட்ட பின் அருகிலுள்ள வற்றிய கிணறுகளில் நீர் மட்டம் உயர 2 வருடங்கள் ஆகும்.

மகாத்மா காந்தி பிறந்த வீட்டில் மழை நீர் சேகரிக்கப்பட்ட முறை.
போர்பந்தரில் (குஜராத் மாநிலம், இந்தியா) மஹாத்மா காந்தி பிறந்த அறைக்கு முன்புறமாக வீட்டின் மூன்று பகுதிகளுக்கு நடுவில் அமைந்த வராண்டாவின் அடியில் 20 அடி நீளம், 20 அடி அகலம், 15 ஆழமும் கொண்ட சுமார் இருபதாயிரம் காலன்கள் கொள்ளவு கொண்ட ஒரு தொட்டியை அமைத்திருந்தனர். போர்பந்தர் பகுதியில் நிலத்தடி நீர் உப்புகரித்து கடினமாக இருப்பதால் சமையலுக்கு உபயோகிக்க இயலாததாக இருக்கிறது. ஆகவே காந்தியின் வீட்டில் மழை நீரை இந்தப் பெரிய தொட்டியில் சேகரித்து வருடம் முழுவதும் உபயோகப்படுத்தி வந்தனர்.

பருவ மழை தொடங்குமுன் மேல் தளங்களின் கூரையை கவனமாக கழுவி விடுவார்கள். இங்கு விழும் மழைநீர் குழாய்கள் வழியாக கீழே இறங்கி, குழாய் முனையில் சுண்ணாம்பினால் வடிகட்டி சுத்தம் செய்யப்பட்ட பின் கீழ்த் தொட்டிக்கு செல்லும். இந்த வீட்டில் தான் ஐந்து தலைமுறைகளாக காந்தி குடும்பத்தினர் வசித்து வந்தனர்.

Source : Center for Science and Environment, New Delhi

பெண்கள் வாழ்க்கையில் சிறக்க!

2012-01-26T12:45:00.000+03:00

நம்பிக்கை
கணவன்-மனைவிஇருவரும் ஒருவரையொருவர்நன்றாக புரிந்துகொள்ள வேண்டும்.
ஒருவரைமற்றவர் முழுமையாகநம்ப வேண்டும்.தங்களுக்கென்று தனிபட்டதிறமை
உள்ளதுஎன்பதை உணரவேண்டும். அதைசெயல்படுத்திக் காட்டும்வாய்ப்பினை
ஒருவருக்கொருவர்உருவாக்கிக் கொடுக்கவேண்டும்.

வருங்காலத்தில்என்னவெல்லாம் நடக்கபோகிறதோ என்றுபயம் கொள்வதைவிட,
நிகழ்காலவாழ்க்கையை வெற்றிகரமாகநடத்திக் காட்டுவதுதான்
புத்திசாலித்தனம்.

முதுமைஎன்பது எல்லோருக்கும்வருவது தான்.அதற்காக நாற்பதுவயதை நாம்
தாண்டிவிட்டோம். உடல்சோர்வு தெரிகிறது.50 வயதிற்கு பின்முட்டுவலி
தெரிகிறது.60 வயதிற்கு பின்தோல் சுருங்கிபோய்விடுமே என்றெல்லாம்
பயந்துகொண்டிருக்கக் கூடாது.

எந்தவயதிலும் மனதைஇளமையாக வைத்துக்கொள்ள முடியும்என்று சந்தோஷபடுங்கள்.
பாதுகாப்பு

ஆண்களைவிட பெண்களுக்குத்தான் அதிகபாதுகாப்பு தேவைபடுகிறது.திருமண
வயதையடையும்வரை பெண்களுக்குபெற்றோரால் பாதுகாப்புதரப்படுகிறது.
பெண்கள்தங்கள் தாயைக்காட்டிலும் தந்தையேஅதிக பாதுகாப்புதருவதாக
எண்ணுகின்றனர்.திருமணத்திற்கு பின்பாதுகாப்பிற்காக கணவனைநம்பி
வாழ்கின்றனர்.

இந்தவிஷயத்தில் முரண்பாடுநிகழும்போது தான்ஈகோ போன்றபிரச்சினைகள்
உருவாகின்றன. விட்டுக்கொடுக்கும் மனபான்மைஇல்லாததுதான் இதற்குகாரணம்.
பெண்,ஆணை விடதான் தான்மேலானவள் என்றும்,ஆண் பெண்ணைவிட தானேஎல்லா
விதத்திலும்மேலானவன் என்றும்எண்ணுகின்றனர். இருவரும்அவரவர்
தனித்தன்மைகளில்மேலானவர்தான்.

மரியாதை

ஒருபெண் திருமணத்திற்குபின் தன்கணவருடைய பெருமை,மரியாதை, கவுரவம்
என்றுஅனைத்து விஷயங்களிலும்தனக்கும் பங்குஉண்டு என்பதைக்காட்ட
வேண்டும்.அதில் தான்பெண்ணுக்கு மரியாதைஉள்ளது.

அதேபோல்,மனைவியின் உணர்வுகளுக்குமதிப்பளித்து அவளுடன்இணைந்து ஒற்றுமை
குலையாமல்குடும்பத்தை பராமரிப்பதில்தான் கணவனுக்குமரியாதை உள்ளது.
இயல்புக்குமீறிய நடத்தைகளில்ஈடுபடும்போது அவர்களதுமரியாதைக்கு பங்கம்
வந்துவிடுகிறது.

அன்பு

வாழ்க்கைபாதையை சீரமைக்கும்ஒரு கருவிதான் அன்பு.வாழ்வை
அர்த்தமுள்ளதாகமாற்றும் வல்லமைஅன்பிடம் மட்டுமேஉள்ளது. இந்தஉன்னதமான
உணர்வுகள்தான் நம்வாழ்வையே அர்த்தமுள்ளதாகமாற்றக்கூடியவை. அன்பால்
மலரும்உணர்வு களேகுடும்பத்தை வழிநடத்திச்செல்லும் என்பதைஇருவரும் உணர
வேண்டும்.

அன்பைவெளிபடுத்தவே திருமணம்நம்மை இணைத்துள்ளதுஎன்று எண்ணவேண்டும்.
மனிதர்கள் உணர்வுகளுக்குக் கட்டுபட்டவர்கள்.அதனால் பலநேரங்களில் தவறு
செய்யக்கூடும். ஆனால்,அத்தகைய தவறுகள்அன்பினால் சீரமைக்கபடவேண்டும்.
`என்னை நல்லபடியாகவைத்துக் கொள்ளும்அன்பு உன்னிடம்இருந்து நிச்சயம்
கிடைக்கும்`என்ற எண்ணம்தம்பதிகள் இருவரிடம்வாழ்நாள் முழுவதும்நீடிக்க
வேண்டும்.

நேர்மை

நேர்மைஇல்லாத குடும்பம்தண்ட வாளத்தில்ஓடாத ரெயில்போன்றது. நேர்மை
தான்குடும்பத்தின் முதுகெலும்பு.

நல்லவிஷயங்களின் அடிப்படையில்உருவாக்கபடும் கூட்டுத்தொகுப்பே
குடும்பம்.நமக்கு நேர்மைஅவசியம். ''என்சிந்தனை உள்படஎனது ஒவ்வொரு
வார்த்தையும்,செயலும் உண்மை.அதை உன்னோடுபகிர்ந்து கொள்வேன்.என்
நோக்கம்,இயல் பானமுறையில் நீண்டநாள் உறவைபேணுவது தான்''என்று
இருவரும்எண்ண வேண்டும்.

Chennai Airport - சென்னை விமானநிலையம்

2012-01-20T22:35:00.002+03:00

நவீனப்படுத்தப்பட இருக்கும் புதிய சென்னை விமானநிலையம்.

குவைத் TMCAவின் "புனித உம்ரா பயணம்-2012"& "இரத்த தான முகாம்"பிப்ரவரி 25

2012-01-19T10:27:00.001+03:00

ஒருவரது உடலில் வரும் நோய் எதனால் வந்தது? என்ன மருத்துவம் எடுப்பது?

2011-12-05T23:40:00.001+03:00

நமது சிகிட்சையில் பின்பற்றவேண்டியவை

ஒருவரது உடலில் வரும் நோய் எதனால் வந்தது? என்ன மருத்துவம் எடுப்பது? அந்த நோய் மற்றும் எந்த நோயும் உடலில் வராமல் நம்மைக் காப்பாற்றிக் கொள்ள என்ன கடைபிடிக்க வேண்டும்? என்பதைத் தெரிந்து கொண்டால், சுகமான, நிம்மதியான இறைவன் நாடினால் நீண்ட ஆயுளோடு வாழலாம் என்பதில் எந்த ஐயமும் இல்லை.
.
1. உணவு:
சாப்பிடுவதற்கு முன் கை, கால் மற்றும் முகம் கழுவ வேண்டும். மலம், ஜலம் இருந்தால் அதையும் அகற்றிவிட்டு அமரவும். உண்டபின்பு உடனே மலம், ஜலம் கழிக்கக் கூடாது (அப்படியிருந்தால் அது நோய்).
சாப்பிடும்போது "பிஸ்மில்லாஹ்" சொல்லி ஆரம்பிக்க வேண்டும்.
பசித்தால் மட்டும் சாப்பிட்டால் போதும் (பசித்து புசி).
முதலில் இனிப்பு சாப்பிட்டுவிட்டு, உணவு உட்கொள்ளவும். (இனிப்பு சாப்பிட்டபின்பு நீர் அருந்தக்கூடாது).
சாப்பிடுவதற்கு அரைமணி நேரம் முன்பும்,பின்பும், இடைவெளியிலும் நீர் பருகக்கூடாது. சாப்பிட்டு அரை மணிநேரம் கழிந்தபின் நீர் அருந்தலாம்.
உணவு உட்கொள்ளும் நேரம் மட்டும் வாயைத்திறந்து, உணவை மெல்லும் போது வாயை அடைத்துக்கொண்டு நன்றாக உமிழ்நீருடன் சேர்த்து மென்று விழுங்கவேண்டும்.
சாப்பிடும்போது புத்தகம் படிக்கவோ, டிவி பார்ப்பதோ, பேசுவதோக் கூடாது. சாப்பாட்டிலே முழு கவனமும் இருக்க வேண்டும்; ரசித்து ருசித்து சாப்பிடவேண்டும், முடிந்தவரை வீட்டில் சமைத்த உணவே சாப்பிடவும்.
தரையில் அமர்ந்து சாப்பிடவும்.
டீ, காஃபி குடிக்கக் கூடாது, சுக்குகாஃபிக் குடிக்கலாம்.
சீனி, புளி, பொடி உப்பு, மைதா (avoid white poisons) எடுக்கவேண்டாம்.
.
2. குடிநீர்:
தாகம் எடுத்தால் மட்டும் நீர் பருகவும் அதுவும் உட்கார்ந்து மெதுவாகக் குடிக்கவும்; உமிழ்நீருடன் சேர்த்து (வாயை அடைத்துக்கொண்டு) குழைத்துக் குடிக்கவும். அதுவே ஜீரணத்திற்கு இலகுவாகும்.
நீரைக் கொதிக்க வைத்துக் குடிக்கக்கூடாது. உயிர் சத்துக்கள் அழிந்துவிடும். மினரல் வாட்டர், பாட்டில் தண்ணீர் குடிக்காதீர்கள். மண்பானையில் நீர் வைத்து 2மணிநேரம் கழிந்தபின்பு அதைக்குடிக்கவும்.
சிறுநீரை அடக்கிவைத்துக்கொண்டு நீர் பருகக்கூடாது; சிறுநீர் கழித்த பின்பு நீர் அருந்தலாம். அதுவே ஆரோக்கியம்.
நீரை நின்றுக் குடிக்கக்கூடாது (ஆண்மைக்குறைவு ஏற்படும்). அன்னாந்து மடமடவெனக் குடிக்கக்கூடாது; மெதுவாக சப்பிக்குடிக்க வேண்டும்.
பருத்திதுணியில் நீரை வடிகட்டி குடிக்கலாம். மற்றும் செம்புகாசு அல்லது செம்புத்தகடு நீரில் போட்டுவைத்து அரைமணிநேரம் கழிந்தபின்பு குடிக்கலாம். மொட்டைமாடியில் வெயிலில் வைத்தும் நீரைக் குடிக்கலாம்.
.
3. காற்று:
.நமது வீட்டில் எப்போதும் காற்றோட்டம் நன்றாக இருக்கும்படி வைத்துக் கொள்ளவும். இரவு படுக்கும்போது ஜன்னல்களை பாதுகாப்பான முறையில் திறந்து வைத்து சுத்தமானக் காற்று உள்வந்து, அசுத்தக் காற்று வெளியில் போகிறமாதிரி அமைத்துக் கொள்ளவும்.
கொசுவலை பயன்படுத்தவும்; கொசுவர்த்தி, ஆல் அவுட் (அப்படியென்றால் நாமும் சேர்ந்து அவுட் என்று மறைமுகமாகக் கூறுவது) பயன்படுத்தாதீர்.
காலையில் நல்ல மூச்சு பயிற்சி செய்யுங்கள்.
4.ஓய்வு (தூக்கம்):
.
உடல் உழைப்பு உள்ளவர்கள் குறைந்தது 6மணிநேரம் நன்றாக தூங்கவேண்டும்.
வடக்கே தலைவைத்து படுக்கக்கூடாது.
இரவு 11-3மணிவரை ஒருவர் கண்டிப்பாக தூங்கவேண்டும்; 11மணிக்குப் பிறகு விழித்திருப்பவர்களுக்கு கண்பிரச்சினை மற்றும் பித்தம் சம்பந்தமான நோய்கள், தசைப்பிடிப்புகள் வர வாய்ப்பிருக்கு.
இரவில் பல் விளக்கிவிட்டு படுக்கவும்.
மனதிற்கும், புத்திக்கும் வேலைகொடுப்பவர்கள் கண்டிப்பாக ஓய்வு எடுப்பது அவசியம்.
வாரத்தில் 2தினம் எண்ணை தேய்த்து குளிப்பது உடலுக்கு சிறந்தது.
.
5. உழைப்பு:
.
உழைப்பிற்கேற்ற உணவு உட்கொள்ள வேண்டும்.
தினமும் நமது எல்லா மூட்டு இணைப்புகளும் அசைவு கொடுக்கிற விதத்தில் உழைக்கவேண்டும். (5 நேரமும் ஒழுங்காக தொழுதாலே போதும்).
AC-ஐ 37ºC-ல் மட்டுமே பயன்படுத்த வேண்டும்.
செருப்பின்றி காலை, மாலை நடக்கலாம். Reflexology points நன்றாக வேலை செய்யும்.
இரத்தம் ஓட இருதயம் உதவும். ஆனால் நிணநீர் (lymphatic) ஓட உடல் உழைப்பு மட்டுமே உதவும் (அம்மிக்கல், உரல், ஆட்டுகல் எங்கே?) உடல் உழைப்பு இல்லாதவர்களுக்கு நிண்நீரோட்டம் நன்றாக இருக்காது. இதுவே பல நோய்களுக்கும் காரணம்.

மேற்கூறியபடி கடைபிடித்தால், நாம் உடல் ஆரோக்கியமாக வாழலாம் இறைவன் நாடினால்.. நமது உடலிலே அனைத்து நோய்களுக்கும் தீர்வு இருக்கு.

மேலதிக விபரத்திற்கு:

அக்குபங்சர் மருத்துவர் சாதிக், MD(Acu). ATAMA's KK.Dist Organiser.
ஸஃபா அக்குபங்சர் சிகிட்சை மையம்.
ஃபிதௌஸியா அரபிக்கல்லூரி வளாகம்,
பறக்கை ரோடு, கோட்டார்.PO.
நாகர்கோவில் - 629002.
கன்னியாகுமரி மாவட்டம்.
கைபேசி: +91-9443389935; +91-8903489935
மின்னஞ்சல்: acusafa@gmail.com

ஐரோப்பாவில் புதிய இறை இல்லங்கள் உதயம்

2011-11-27T12:45:00.001+03:00

ஃபிரான்ஸின் 'Marseille - மர்ஸை'யில் புதிய மஸ்ஜித்

''அவனே தன் தூதரை நேர் வழியுடனும், சத்திய மார்க்கத்துடனும் அனுப்பி வைத்தான் - முஷ்ரிக்குகள் (இணை வைப்பவர்கள், இம்மார்க்கத்தை) வெறுத்த போதிலும், எல்லா மார்க்கங்களையும் இது மிகைக்குமாறு செய்யவே (அவ்வாறு தன் தூதரையனுப்பினான்.)'' (அல் குர் ஆன் 9:33)

இஸ்லாத்துக்கு எதிராக என்னென்ன பொய் மூட்டைகளை அவிழ்த்து விட முடியுமோ அவ்வளவையும் மிக சாமர்த்தியமாக மேற்கத்திய நாடுகளின் அரசும் அவைகளின் ஊடகங்களும் செய்துகொண்டிருக்கும் அதே வேளையில் ஏக வல்ல அல்லாஹ், அவர்களின் அத்தனை சூழ்ச்சியையும் தவிடுபொடி ஆக்கியே வருகிறான் என்பதற்கு அந்நாடுகளில் இஸ்லாம் அதி வேகமாக பரவி வருவதே சாட்சியாக இருக்கிறது.மேலுள்ள திருக் குர் ஆனின் வசனம் கூட அதனை உறுதி செய்கிறது.

சுவிட்ஜர்லாந்தில் பள்ளிவாசல் மினாரா கட்டுவதற்கு தடை விதிக்கப்பட்டுள்ள அதே வேளியில் ஐரோப்பாவின் மிக முக்கியமான இரு நாடுகளான ஜெர்மனியிலும், ஃபிரான்சிலும் புதிதாக இரு இறையில்லங்கள் இறையொளி(லி)யை ஓங்கச்செய்ய எழுந்துள்ளன. அதை நிரூபிக்கும் விதமாக ஃபிரான்சிலும் ஜெர்மனியிலும் புதிதாக உயர்ந்தோங்கி நிற்கும் புதிய 'மஸ்ஜித்'களே சாட்சி.

ஃபிரான்ஸில் மிகப்பெரிய பள்ளிவாசல்

பெண்ணியத்திற்கு கண்ணியம் அளிக்கும் ஹிஜாபை தடை செய்ய முயன்றுகொண்டிருக்கும் பிரான்ஸின்Marseille - மர்ஸை (ஃபிரென்ச் உச்சரிப்பு இதுதான்) என்ற நகரத்தின் செயின்ட் லூயிஸ் என்ற பகுதியில் மிகப்பெரிய பள்ளிவாசல் கட்டுவதற்கான பணிகள் ஆரம்பமாகியுள்ளது.

இந்நகரத்தில் மட்டும் சுமார் 2,50,000 முஸ்லிம்களும் ஃபிரான்ஸ் முழுமைக்கும் சுமார் 60 லட்சம் முஸ்லிம்களும் வாழ்கிறார்கள் என்பது குறிப்பிடத்தக்கது.

வருகிற 2012 ஆம் ஆண்டு திறப்பதற்கு திட்டமிடப்பட்டிருக்கிறது. சுமார் 22 மில்லியன் யூரோமதிப்பிலான இப்பள்ளியில் குர் ஆன் வகுப்புகள், நூலகம், உணவு மற்றும் தேநீர் விடுதிகள் உள்ளடங்கியதாக இருக்கும்.

ஒரே நேரத்தில் சுமார் 7000 பேர் தொழுகை நடத்த முடியும். இப்பள்ளியில் அமையயுள்ள மினாராவானது 25 மீட்டர் (82 அடி) உயரம் கொண்டதாக இருக்கும். ஃபிரான்ஸ் அரசு இஸ்லாத்திற்கும், இஸ்லாமியர்களுக்கும் எதிராக எத்தனை எத்தனை நடவடிக்கைகள் எடுத்தாலும் இஸ்லாத்தின் வளர்ச்சியை தடுத்து நிறுத்த இயலாது என்பதற்கு இது ஒரு சான்றாக அமையும் என்பதில் சந்தேகமில்லை.
ஜெர்மனியில் புதிய இறை இல்லம் உதயம்
உண்மை மார்க்கமான இஸ்லாமிய மார்க்கம் ஐரோப்பாவில் அதிவேகமாக வளர்ந்து வருவதன் மற்றுமொரு மைல்கல்லாக, 21/05/2010 அன்று ஜெர்மனியிலும் மிகப்பெரிய பள்ளிவாசல் திறக்கப்பட்டுள்ளது.

துருக்கியர்கள் அதிகமாக வாழும் பெர்லின் நகரின் குரூஸ்பெர்ங் பகுதியில் சுமார் பத்து மில்லியன் யூரோசெலவில் கட்டிமுடிக்கப்பட்டுள்ள இப்பள்ளியின் கோபுரம் முழுமையும் கண்ணாடிகளால் கட்டப்பட்டுள்ளது.

சுமார் 5000 சதுர அடி பரப்பளவில் ஆறு அடுக்கு கட்டிடமாக கட்டப்பட்டுள்ள இப்பள்ளியில் நான்கு சிறிய மினாராக்களும் அமைந்துள்ளது. ஒரே நேரத்தில் சுமார் ஆயிரம் நபர்கள் இங்கே தொழுகைநடத்தமுடியும் என்பது குறிப்பிடத்தக்கது.

இந்த இறை இல்லத்திற்கு லெபனான் மற்று பாலஸ்தீனத்தை சார்ந்தவர்கள் மட்டுமே முழு பொருளூதவி அளித்துள்ளனர் என்பது இதன் சிறப்பம்சமாகும்.

இதுபோன்று இன்னும் ஆயிரம் ஆயிரம் இறை இல்லங்கள் உலகம் முழுக்க கட்டியெழுப்பவும், அனைத்து இறை இல்லங்களும் முஸ்லிம்களால் நிரம்பிவழியவும் அல்லாஹ்விடம் பிராத்திப்போமா

ஹிஜ்ரி ஆண்டின் துவக்கம்: முஹர்ரம்

2011-11-27T12:38:00.001+03:00

இப்பூமியில் வாழக்கூடிய மக்கள் காலத்தை கணக்கிடுவதற்கு பல்வேறு மாதங்களையும் நாட்களையும் உண்டாக்கி வைத்துள்ளனர்.

ஜனவரியை துவக்கமாக கொண்ட ஆங்கில வருடபிறப்பு, சித்திரையை துவக்கமாக கொண்ட தமிழ்வருட பிறப்பு போன்று பலவருடபிறப்புகள் நடைமுறையில் உள்ளன.

நபி(ஸல்) அவர்களது ஹிஜ்ரத்தை அடிப்படையாக கொண்டு இஸ்லாமிய ஆண்டுகள் கணக்கிடப்படுகின்றன. அனைவரிடத்திலும் ஓராண்டுக்கு 12 மாதங்கள் என்ற அளவிலேயே கணக்கிடப்படுகின்றன.

நிச்சயமாக அல்லாஹ்விடத்தில் அல்லாஹ்வுடைய (பதிவு) புத்தகத்தில் வானங்களையும் பூமியையும் படைத்த நாளிலிருந்தே மாதங்களின் எண்ணிக்கை பன்னிரண்டு ஆகும். அவற்றில் நான்கு (மாதங்கள்) புனிதமானவை இது தான் நேரான மார்க்கமாகும். ஆகவே அம்மாதங்களில் (போர் செய்து) உங்களுக்கு நீங்களே தீங்கிழைத்துக் கொள்ளாதீர்கள். (அல்குர்ஆன் 9:36)

எனவே ஒரு வருடத்திற்கு 12 மாதங்கள் என்பது மனிதன் கண்டுபிடித்ததல்ல. இந்த உலகை படைக்கும்போதே இறைவன் வரையறுத்துவிட்டான் என்பதையே மேற்படி இறைவசனம் நமக்கு தெளிவுபடுத்துகிறது. இஸ்லாமிய ஹிஜ்ரி ஆண்டின் முதல் மாதம் முஹர்ரம் ஆகும். முஹர்ரம் என்பதற்கு ஆரம்பகாலம் முதல் அரேபியர்கள் முஹர்ரம் மாதத்தை புனித மாதங்களில் ஒன்றாகவே கருதி வந்தனர். முஹர்ரம் என்ற சொல்லுக்கு ‘விலக்கப்பட்டது’ என்றொரு பொருளும் உண்டு.

முஹர்ரம் – ஹராம், ஹரம், ஹுரும், தஹ்ரீம், இஹ்ராம் என்ற சொற்கள் ஒரே வேர் சொல்லிருந்து பிறந்ததாகும்.

பாவங்கள் அல்லது செய்யக்கூடாதவைகளை செய்வதைவிட்டும் தடுக்கப்படுவதால் விலக்கப்பட்டது, என்றும் புனிதம் காத்தல் என்றும் பொருள் கொள்ளப்படுகிறது.

உதாரணமாக தொழுகைக்கு முன் செளிணியப்படும் செயல்கள் தொழுகையில் தடுக்கப்படுவதால் ‘தக்பீர் தஹ்ரீம்’ என்றும் உம்ரா, ஹஜ்ஜுக்கு முன் அனுமதிக்கப்படுபவை இஹ்ராமுக்கு நிய்யத் செய்ததும் தடுக்கப்படுவதால் இஹ்ராம் என்றும் ஹரம் எல்லைக்கு வெளியே செய்யப்படும் விலக்கப்பட்டவை ஹரம் எல்லைக்குள் தடுக்கப்படுவதால் ஹரம் (புனித எல்லை) என்றும் மஸ்ஜிதுல் ஹராம் புனிதமான பள்ளிவாசல் என்றும் சொல்லப்படுகிறது.

முஹர்ரம் மாதத்தில் ஆஷுரா என்றழைக்கப்படும் சிறப்பான ஓருநாள் உண்டு. ஆம்! அது முஹர்ரம் 10ம் நாளாகும். ‘நானே கடவுள்’ என்று கூறிய ஆணவக்கார ஃபிர்அவ்னிடமிருந்து இறைத்தூதர் மூஸா(அலை) அவர்களையும் அவர்களை பின்பற்றியோரையும் அல்லாஹ் தனது வல்லமையால் காப்பாற்றிய நாள்.

ஃபிர்அவ்னையும் அவனது கூட்டத்தாரையும் கடலில் மூழ்கடித்த நாள். நபி(ஸல்) அவர்கள் மதீனாவுக்கு வந்தபோது யூதர்கள் ஆஷுரா (பத்தாம்) தினத்தன்று நோன்பு நோற்றிருந்ததை கண்டார்கள். அவர்களை நோக்கி ‘நீங்கள் இன்று நோன்பு நோற்பதின் நோக்கம் என்ன?’ என்று கேட்டார்கள். அதற்கு யூதர்களோ, இன்றைய நாளில்தான் இறைவன் நபி மூஸா(அலை) அவர்களை ஃபிர்அவ்னிடமிருந்து காப்பாற்றி, ஃபிர்அவ்னையும் அவனது கூட்டத்தாரையும் கடலில் மூழ்கடிக்கச் செய்தான். அதற்கு நன்றி செலுத்துவதற்காக நபி மூஸா (அலை) அன்றைய தினம் நோன்பிருந்தார்கள். எனவே நாங்களும் நோன்பிருக்கிறோம் என்றார்கள். அதற்கு நபி(ஸல்) அவர்கள் நபிமூஸா (அலை) அவர்களை பின்பற்றுவதில் (முஸ்லிம்களாகிய) நாங்கள்தான் (யூதர்களான) உங்களைவிட தகுதியானவர்கள் என்று கூறி அந்த நாளில் நோன்பு நோற்றார்கள். மேலும் அனைவரையும் நோன்பு நோற்குமாறும் கூறினார்கள். அறிவிப்பவர்: இப்னு அப்பாஸ்(ரலி) நூற்கள்: புகாரி, முஸ்லிம்.

நபி(ஸல்) அவர்கள் மதீனாவுக்கு (ஹிஜ்ரத் செய்து) வந்தபோது ஆஷுரா தினத்தில் நோன்பு நோற்க கட்டளையிட்டார்கள். ரமலான் நோன்பு கடமையாக்கப்பட்ட பின் விரும்பியவர்கள் ஆஷுரா தினத்தில் நோன்பு நோற்கட்டும். விரும்பியவர்கள் விட்டுவிடட்டும் எனக்கூறினார்கள். அறிவிப்பவர்: முஆவியா(ரலி), ஆயிஷா(ரலி) நூற்கள்: புகாரி, முஸ்லிம், அஹ்மத்.

ரமலானுக்கு பின் சிறந்த நோன்பு முஹர்ரம் மாதம் நோன்பாகும். கடமையான தொழுகைக்கு பின் சிறந்த தொழுகை இரவுத் தொழுகையாகும் என நபி(ஸல்) கூறினார்கள். அறிவிப்பவர்: அபூஹுரைரா(ரலி) நூல்: முஸ்லிம்.

யூதர்களின் வழிமுறைக்கு மாற்றமாக ஆஷ§ரா நாளுக்கு முந்தைய தினமான 9ம் நாளும் நோன்பு நோற்குமாறு நபி(ஸல்) அவர்கள் கூறினார்கள். ‘இனிவரும் காலங்களில் நான் உயிருடனிருந்தால் முஹர்ரம் 9 மற்றும் 10 ஆகிய இரு தினங்கள் நான் நோன்பு நோற்பேன்’ என நபி(ஸல்) கூறினார்கள். நூற்கள்: புகாரி, முஸ்லிம்.

ஆனால் நபி(ஸல்) அவர்கள் அடுத்தவருடம் உயிருடன் இல்லை. அந்த வருடமே மரணித்து விட்டார்கள். ‘ஆஷுரா நோன்பு நோற்பதால் எதிர் வரும் வருடத்தின் பாவங்களுக்கு அது பரிகாரமாகும்’ என நபி(ஸல்) கூறியுள்ளார்கள். அறிவிப்பவர்: அபூகதாதா(ரலி) நூல்: முஸ்லிம்.

ஆகவே நாம் முஹ்ரம் 9ம், 10ம் நோன்பு நோற்போம்.

ஆஷுராவும் கர்பலாவும்

முஹ்ர்ரம் 10ம் நாள்தான் நபி(ஸல்) அவர்களின் பேரன் ஹுசைன்(ரலி) அவர்கள் கொல்லப்பட்ட சோகச்சம்பவமான கர்பலா நிகழ்ச்சி நடைபெற்றது. நபி(ஸல்) அவர்கள் மரணித்து கிட்டதட்ட 50 ஆண்டுகளுக்கு பிறகு கலீஃபாவாக யஜீது பொருப்பேற்கிறார். அப்போது யஜீதுக்கும் ஹுசைனுக்கும் இடையே ஏற்பட்ட அரசியல் போரில் ஹுசைன் (ரலி) அவர்கள் ஹிஜ்ரி 63ல் கொல்லப்படுகிறார்கள்.

இதனை அடிப்படையாகக் கொண்டு சிலர் ஹுசைன்(ரலி) அவர்களின் மரணத்தை நினைவு படுத்தி ஒப்பாரி வைப்பது, மாரடித்துகொள்வது, பஞ்சா எடுப்பது, தீமிப்பது, ஊர்வலங்கள் நடத்துவது, ஹுசைன் மவ்லிது ஓதுவது என தேவையற்ற மார்க்கத்திற்கே முரணான பற்பல அனாச்சாரங்களை செய்து வருகின்றனர்.

கன்னத்தில் அறைந்து கொண்டும், சட்டையை கிழித்து கொண்டும் அறியாமைகாலத்து (ஒப்பாரி) க் கூப்பாடு போடுபவன் நம்மை சார்ந்தவனில்லை என நபி(ஸல்) கூறியுள்ளார்கள். அறிவிப்பவர்: இப்னு மஸ்வூத்(ரலி) நூற்கள்: புகாரி, முஸ்லிம், திர்மிதீ.

சிலர் இம்மாதத்தை பீடை மாதமென்று நினைத்து இம்மாதத்தில் திருமணம் போன்ற சுபகாரியங்களை செய்வது கிடையாது, தாம்பத்திய உறவில் ஈடுபடுவது கிடையாது. இம்மாதத்தில் உருவாகும் குழந்தைகள் ஹுசைன்(ரலி) போல இரத்த காயம்பட்டு சாகும் என்ற மூட நம்பிக்கையில் உள்ளனர். அதற்காகவே தலை, கை போன்ற வடிவங்களில் கொழுக்கட்டை செய்து பாத்திஹா ஓதுவது, பித்தளை, இரும்புபோன்ற உலோகங்களில் தலை, கை போன்ற வடிவங்களை அமைத்து கொண்டு பஞ்சா என்று தூக்கிகொண்டு ஊர்வலம் வருவது, தீ குண்டங்களை மாற்று மதத்தவர்கள் போல உண்டாக்கி தீ மிதிப்பது போன்ற தேவையற்ற, மார்க்கத்திற்கு முரணான, அல்லாஹ்வின் கோபத்திற்குரிய காரியங்களை செய்து வருகின்றனர். இவைகள் யாவும் கட்டாயம் தவிர்க்கப்பட வேண்டியவைகளே.

முஹர்ரம் மாதத்தில் ஹிஜ்ரத்தை நினைவு கூர்ந்து, 9 மற்றும் 10ம் நாட்களில் ஆஷுரா நோன்பை நோற்று பாவங்கள் மன்னிக்கப்பட வாய்ப்பாய் அதனை பயன்படுத்து கொள்வோமாக!

- அபுஅதீ & மெளலவி யூசுப்.எஸ்.பி

மதரஸாக்களில் பிற மதத்தினர்

2011-11-26T11:59:00.001+03:00

கல்வியின் உண்மையான நோக்கம் சிதைக்கப்பட்டு பணம் சம்பாதிப்பதற்கே கல்வி என்ற சிந்தனை மிகைத்திருக்கும் இன்றைய கல்வித்திட்டம் மற்றும் கல்வி நிறுவனங்களுக்கு மத்தியில் ஒரு சிறந்த மனித சமூகத்தை உருவாக்கிடும் இலக்கை மையமாக கொண்டுள்ள மதரஸா கல்வியின் மேம்படுத்தப்பட்ட பாடதிட்டமும் அதன் பயிற்றுவிப்பு முறைகளும் சமீபகாலமாக வட இந்திய மக்களிடம் ஈர்ப்பை ஏற்படுத்தி வருகின்றது.

இந்திய மக்களின் வாழ்வில் மதரஸாக்கள் ஏற்படுத்திய தாக்கத்தை யாராலும் மறக்க இயலாது. மறுக்கவும் இயலாது. ஆனால் அந்த வசந்த கால வரலாறுகளை இன்றைய தலைமுறைக்கு தெரியாமல் செய்ததில் தொடக்கத்தில் வெள்ளைய ஆக்கிரமிப்பாளர்களுக்கும் விடுதலைக்குப் பிறகான இந்திய குடியரசிற்கும் பெரும் பங்கு இருக்கிறது.

மதரஸாக்கள் இந்தியாவின் தேசிய சின்னங்கள்இந்தியச் சமூக கட்டமைப்பின் அடித்தளமாக ஆயிரம் ஆண்டுகளுக்கு மேலாக மதரஸா கல்வி முறையே விளங்கி வந்தது. முஸ்லிம்கள் மட்டுமல்லாமல் இந்திய நாட்டில் ஒழுக்கம் சார்ந்த வாழ்வு முறையை விரும்பும் எல்லா மதத்தினரும் மதரஸா கல்வி முறையையே தேர்வு செய்தனர். வெள்ளையர் ஆட்சியில் தான் மதரஸா கல்வி முறை சிதைத்து சின்னா பின்னமாக்கப்பட்டது.

நாளடைவில் மதரஸாக்களும் தனது பாரம்பர்ய பாதையில் இருந்து விலகி வெள்ளையரின் சூழ்ச்சிக்குப் பலியாகி மார்க்கக் கல்வி – உலகக் கல்வி என்ற இஸ்லாம் காட்டாத பிரிவினையில் சிக்கிக் கொண்டன. இதனால் இடைக் காலத்தில் மதிப்பிழந்து போன மதரஸாக்கள் தற்போது தங்களது தவறுகளை திருத்திக் கொண்டதால் எழுச்சி பெற்று வருகின்றன.

பீகார், வங்காளம், உ.பி. போன்ற மாநிலங்களில் செயல்பட்டு வரும் மார்க்கக் கல்வி – உலகக் கல்வி இணைக்கப் பெற்ற மதரஸாக்களில் மாணவர் கூட்டம் நிரம்பி வழிகிறது. முஸ்லிம்கள் மட்டுமல்லாமல் முஸ்லிம் அல்லாத மாணவரின் எண்ணிக்கை பெருகி வருகிறது என்பது தான் மிகவும் ஆச்சரியமான செய்தி. வெள்ளையர் ஆக்கிரமிப்பிற்கு முன்பான மதரஸாக்கள் போல தற்போது மேம்பட்டு வருகின்றன.

இஸ்லாமிய மார்க்கத்தை முஸ்லிம்களுக்கு மட்டும் தான் பயிற்றுவிக்க வேண்டும் என்பதாகவோ ஒழுக்கமும் நேர்மையும் பண்பாடும் முஸ்லிம்களுக்கு மட்டுமே கற்பிக்கப்பட வேண்டும் என்பதாகவோ ஒருபோதும் இஸ்லாம் வலியுறுத்தவில்லை. அதே போல பூமியில் மனித வாழ்வின் அனைத்து தேவைகளுக்குமான வழிகாட்டுதலையும் போதிக்கும் கல்வியைத் தான் இறைவன் வழங்கியுள்ளானே தவிர மரணத்திற்குப் பிறகான வாழ்க்கையை மட்டுமே போதிக்கும் கல்வியை இறைவன் வழங்கவில்லை.
மார்க்கக் கல்வியையும் – உலகியல் பாடங்களையும் ஒருமித்து வழங்கிடும் தரமான மதரஸாக்கள் தற்போது வட இந்தியா முழுவதும் பெருகி வருகின்றன. அத்தகைய மதரஸாக்களில் தங்களது குழந்தைகளை சேர்த்திட முஸ்லிம் அல்லாத பெற்றோர் பெரிதும் விரும்புகின்றனர்.

ஹேமலதா

பீகார் மாநிலம் காகவுல் என்ற நகரில் உள்ள மதரஸாவில் இந்த ஆண்டு பட்டம் பெற்ற மாணவி பெயர் ஹேமலதா. இவர் பீகார் மாநிலத்தில் மதரஸாவில் பயிலும் முஸ்லிம் அல்லாத பெண்களில் ஹாஃபீஸ் பட்டம் பெற்ற முதல் பெண். அல்குர்ஆனை முழுமையாக மனனம் செய்தவர்.

இவர் மட்டுமல்ல இவரின் சகோதரரும் அல்குர்ஆனை மனனம் செய்து வருகின்றனர்.

பீகார் மாநிலத்தில் பல மதரஸாக்களின் பொறுப்பாளராக உள்ள மௌலானா மஸாருல் – ஹக் அவர்கள் “ஒவ்வொரு ஆண்டும் பல முஸ்லிம் அல்லாத குழந்தைகள் மதரஸாக்களில் சேர்ந்து வருவது பெருமைக்குரியதாக உள்ளது.

இவர்கள் கல்வியை முடிக்கும் போது அரசின் உலகியல் பாடங்களில் திறன் பெறுவதோடு அரபு மொழியிலும் திறன் பெற்றவர்களாகவும் அல்குர்ஆனை சரளமாக ஒதியும் பல அத்தியாயங்களை மனனம் செய்தவர்களாகவும் வெளி வருகின்றனர்” என்கிறார்.

அஞ்சலி ராஜ்

18 வயது நிரம்பும் அஞ்சலி ராஜ் என்ற மாணவி 10 வகுப்பு (ஃபவுகானியா) பீகார் மாநில மதரஸா போர்ட் தேர்வில் 805 மதிப்பெண் எடுத்து சாதனை புரிந்துள்ளார்.

“இந்தச் செய்தி பத்திரிகைகளில் வெளியான உடன் நாட்டின் பல பகுதிகளில் இருந்து எனது மகளை பார்த்து பேட்டி எடுப்பதற்கு பல பத்திரிகையாளர்கள் வந்தனர்” என்று அஞ்சலி ராஜின் தந்தை அஜய் ராஜ் பெருமையோடு கூறுகிறார்.

பீகார் மதரஸா போர்டின் தலைவர் மவுலானா இஜாஸ் அகமது அவர்கள் இந்த ஆண்டு பீகார் மதரஸா போர்ட் பிரிவில் 100 மாணவர்கள் முன்னிலை பெற்றுள்ளனர். இந்த மாணவர்களின் பெற்றோர் “மற்ற பள்ளிக் கூடங்களை விட மதரஸாக்களில் ஒழுக்கம் போதிக்கப்படுவதால் தங்கள் குழந்தைகளை சேர்த்ததாக கூறுகின்றனர்” என்று மவுலனா இஜாஸ் கூறுகிறார்.

பீகார், உ.பி. வங்காளம், போன்ற மாநிலங்களில் (STATE MADRASSA BOARD) மாநில மதரஸா கல்வி வாரியம் நடத்தும் பாடத்திட்டத்தை மாநில அரசே நடத்துகிறது.

இது அல்லாமல் தனியரால் நடத்தப்படும் மதரஸாக்கள் ஆயிரக்கணக்கில் உள்ளன.

இவை எல்லாவற்றிலும் தரமான கல்வியும், உணவும், தங்குமிடமும் இலவசமாக வழங்கப்படுகிறது. அரசு மதரஸா கல்வி வாரியத்தில் பதிவு செய்யப்பட்ட மதரஸாக்களில் அரசின் பாடமும் இஸ்லாமிய பாடமும் இணைக்கப்பட்டு கற்றுத்தரப்படுகின்றன.

சில தனியார் நடத்தும் மதரஸாக்களிலும் இதுபோன்ற ஒருங்கிணைந்த கல்வி முறை உள்ளன.
மார்க்கக் கல்வி – உலகக்கல்வி இணைக்கப்பட்ட மதரஸாக்களைத்தான் முஸ்லிம்களும் முஸ்லிம் அல்லாத மாணவர்களும் தேடிச் செல்கின்றனர்.

மார்க்க பாடங்கள் மட்டும் கற்பிக்கும் மதரஸாக்களுக்கு கொஞ்சம் கொஞ்சமாக மூடு விழாக்கள் நடத்தப்பட்டு வருகின்றன.
ஒவ்வொரு காலத்திற்கும் ஏற்படும் கால ஒட்டத்தை புரிந்து கொண்டு இஸ்லாமிய மார்க்கத்தை மனித சமூகத்திடம் விதைத்திடும் திட்டத்திற்கே அல்லாஹ்வின் உதவியும் அருளும் கிடைத்திடும் என்பதற்கு இந்த மதரஸாக்களின் வளர்ச்சியும் சாதனையுமே எடுத்துக்காட்டு.

தமிழகத்திலும் மதரஸாக்களில் முஸ்லிம் அல்லாத மாணவர்களை சேர்த்திடும் காலம் மிக விரைவில் உருவாக வேண்டும் என்பதே நமது வேண்டுகோள்.

நன்றி...http://www.samooganeethi.org/?p=1094

கரு வளர்ச்சியும் அல்குர்ஆனின் அற்புதமும்!

2011-11-23T09:59:00.001+03:00

பிஸ்மில்லாஹிர்ரஹ்மானிர்ரஹீம்

ஒரு குழந்தை ஆணாகவோ, பெண்ணாகவோ இந்த உலகில் பிறப்பதை ஏதோ காலத்தின் கட்டாயம் என்று நாம் நினைக்கிறோம் ஆனால் அல்லாஹ்வின் வல்லமையை நாம் சிந்திப்பதில்லை இதைப்பற்றி சிந்திக்க முற்பட்டுவிட்டால் இணைவைத்தலை தவிர்த்து அல்லாஹ்வுக்கு முற்றிலும் வழிபடக்கூடிய இறைவிசுவாசியகாகவும் அல்லாஹ்வுக்கு உண்மையான அடியானாகவும் மாறிவிடுவோமே!

“நிச்சயமாக (முதல்) மனிதனை களிமண்ணின் மூலச்சத்திலிருந்து படைத்தோம். பின்னர், (அதற்கான உள்ள) ஒரு பாதுகாப்பான இடத்தில் (கர்ப்பப்பையில்) நாம் அவனை இந்திரியத் துளியாக்கினோம். பின்னர் அந்த இந்திரியத் துளியை ‘அலக்’ என்ற நிலையில் ஆக்கினோம்! பின்னர் அலக் என்பதை ஒரு தசைப்பிண்டமாக்கினோம்! பின்னர் அந்த தசைப் பிண்டத்தை எலும்புகளாகவும் ஆக்கினோம்! பின்னர் அவ்வெலும்புகளுக்கு மாமிசத்தை அணிவிதோம்! பின்னர் நாம் அதனை வேறு ஒரு படைப்பாக் (மனிதனாகச்) செய்தோம்! (இவ்வாறு படைத்தவனாகிய) அல்லாஹ் பெரும் பாக்கியமுடையவன் (படைப்பாளர்களில் எல்லாம்) மிக அழகான படைப்பாளன். (அல்குர்ஆன் 23:12-14) மேற்கண்ட வசனத்தில் ஆய்வுக்கு எடுத்துக்கொள்ள வேண்டியவை

நாம் அவனை இந்திரியத் துளியாக்கினோம்.
இந்திரியத் துளியை ‘அலக்’ என்ற நிலையில் ஆக்கினோம்!

பின்னர் அலக் என்பதை ஒரு தசைப் பிண்ட மாக்கினோம்!
பின்னர் அந்த தசைப் பிண்டத்தை எலும்புகளாகவும் ஆக்கினோம்!
பின்னர் அவ்வெலும்புகளுக்கு மாமிசத்தை அணிவிதோம்!
பின்னர் நாம் அதனை வேறு ஒரு படைப்பாக் (மனிதனாகச்) செய்தோம்!
மேற்கண்ட இந்த ஆறு அம்சங்களையும் ஒவ்வொன்றாக அலசுவோம் வாருங்கள்

ஆண் விந்துத் துளி பற்றிய அறிய தகவல்கள்

ஒரு ஆணிடமிருந்து வெளிப்படும் ஒருவகையான நீர் விந்துத்துளி என்று அறிவியல் உலகம் வர்ணிக்கிறது. இந்த விந்துத்துளியைப் பற்றி 1400 வருடங்களுக்கு முன்னர் அல்லாஹ் அருள்மறையில் குறிப்பிட்டள்ளான் இதைப் பற்றி அருள்மறை பின்வருமாறு கூறுகிறது
”ஆகவே மனிதன், (தான்) எதிலிருந்து படைக்கப்பட்டிருக்கிறான் என்பதை அவன் சிந்தித்து பார்க்க வேண்டாமா? குதித்து வெளியாகும் (ஒரு துளி) நீரிலிருந்து அவன் படைக்கப்பட்டான். அது (ஆணின்) முதுகந் தண்டிற்கும் கடைசி நெஞ்செலும்புகளுக்கும் மத்தியிலிருந்து வெளிப்படுகிறது.” (அல் குர்ஆன்: 86:5-7)

இதோ மேலே காணும் படம் ஒரு ஆண் மகனுடைய விந்தணுவாகும் இது உருவாக 74 நாட்களாகிறது என்றும் விந்து நீரில் 100-300 மில்லியன் விந்தணுக்கள் காணப்படுவதாகவும் ஆய்வாளர்கள் கூறுகிறார்கள்.

பெண்ணின் சினைமுட்டை பற்றிய அறிய தகவல்கள்

பெண்ணின் சினை முட்டையின் வடிவம் 0..2 மி.மீ அளவு கொண்டது என்றும் இந்த சினை முட்டை வட்ட வடிவமுடையது என்றும் ஆய்வாளர்கள் கூறுகிறார்கள்.

இதோ மேலே கண்ட படம் பெண்ணின் சினை முட்டையாகும் இதை சற்று கவனித்துப் பாருங்கள் இது முட்டையைப் போன்று வட்ட வடிவமாக காணப்படுவதால் இதற்கு சினை முட்டை என்று பெயர் கொடுக்கப்பட்டுள்ளது!
பெண்ணின் சினைமுட்டையானது அவளுடைய சினைப் பையிலிருந்து வெளியாகிறது என்றும் இந்த சினை முட்டையின் உயிர்க்காலம் ஒருநாள் அதாவது 24 மணி நேரம் என்றும் மேலும் இந்த சினை முட்டை சினைப் பாதையின் புறச் சுவர்களால் உறிஞ்சப்பட்டு சினைப்பையை அடைகிறது ஆய்வாளர்கள் கூறுகிறார்கள்.

விந்தணுவும் சினைமுட்டையும் ஒன்றுடன் ஒன்று சேருகிறது

ஒரு ஆணுடைய விந்தணு ஒவ்வொருமுறை உறவு கொள்ளும்போதும் அவனிடமிருந்து 2-4மிலி விந்து நீர் வெளிப்படுகிறது இந்த விந்து நீரில் உள்ள விந்தணு 0.5 மி.மீ நீளம் உடையது. இதோ விந்தணுவின் படத்தை சற்று கவனியுங்கள்.

இந்த ஆணுடைய விந்துநீரிலிருந்து வெளிப்படும் விந்தணு பெண்ணுடைய சினைப் பையிலிருந்து வெளியாகும் சினை முட்டையுடன் கூடுகிறது! ஆணுடைய விந்தணு எவ்வாறு பெண்ணுடைய சினைமுட்டையுடன் கூடுகிறது என்ற நிகழ்ச்சியை படமாக விளக்கியுள்ளேன் கீழே உள்ளதை பாருங்கள்

பெண்ணுடைய சினைப் பையிலிருந்து சினைமுட்டை வெளிப்பட்ட நேரம் முதல், சினைப்பாதையில் நகர்ந்து வர 2 நாட்கள் ஆகும். மேலும் சினைமுட்டை வெளிவந்து 24 மணி நேரத்திற்குள் விந்தணு சினைமுட்டையை அடைய வேண்டும். இவ்வாறு நுழையும் விந்தணு கருப்பையில் 10 நாட்கள் வரை உயிர்வாழும் என்றும் மேலும் இந்த ஆணின் விந்தணு 24-48 மணி நேரத்தில் ஒரு பெண்ணை கருத்தரிக்கச் செய்யும் சக்தியை இழந்து விடுகிறது என்றும் அதே போன்று பெண்ணின் சினைமுட்டையின் உயிர்க்காலம் ஒருநாள் அதாவது 24 மணி நேரம் என்றும் ஆய்வாளர்கள் கூறுகிறார்கள்.

இதன் மூலம் நாம் விளங்குவது என்னவெனில் ஆணுடைய விந்தணு பெண்ணுடைய சினைமுட்டையுடன் 24 மணிநேரத்திற்குள் ஒன்றுடன் ஒன்று கோர்த்துக்கொண்டு கருத்தரிக்க வைக்க வேண்டும் என்பதே!

ஆணுடைய விந்தணுவிலிருந்து 23 குரோமோசோம்களும் பெண்ணின் சினைமுட்டையிலிருந்து 23 குரோமோசோம்களும் ஒன்றாக இணைந்து செல் அமைப்பாக உருவாகிறது இந்த செல் அமைப்பு உப்பு போன்று காணப்படுகிறது. இதுதான் FERTILIZED EGG அதாவது கருமுட்டையாகும்

கருமுட்டை கர்பப்பை குழாய் எனப்படும் FALLOPIAN TUBE வழியாக கருப்பையில் சென்றடைகிறது பின்னர் கர்ப்பப் பை படிப்படியாக வளர ஆரம்பிக்கிறது இந்த வளர்ச்சியை கீழே உள்ள படத்தின் உதவியால் காண இயலும்!

பின்னர் அந்த தசைப் பிண்டத்தை எலும்புகளாகவும் ஆக்கினோம்! பின்னர் அவ்வெலும்புகளுக்கு மாமிசத்தை அணிவிதோம்!

மேற்கண்ட அருள்மறை வசனம் கூறும் செய்தியை ஆராய்வோம்
- ஒரு பெண் கர்ப்பம்தரித்த 21 அல்லது 24-ம் நாளிலிருந்து அந்த கருவுக்குள் இதயத்துடிப்பு நிகழ்கிறது இதன்மூலமாக அந்த கருவுக்குள் இரத்த ஒட்ட நிகழ்ச்சி நடைபெறுகிறது

- கர்பம்தரித்த 28ம் நாள் முதல் அந்த கருவுக்குள் கை, கால்கள், காதுகள் மற்றும் முதுகுத்தண்டுவடம் ஆகியன துளிர்விடுகின்றன.

- கர்ப்பம் தரித்த 30ம் நாள் கருவுக்குள் மூளை துளிர்விடுகிறது

- கர்ப்பம் தரித்த 35ம் நாள் விரல்கள் துளிர்விடுகின்றன

- கர்ப்பம் தரித்த 40ம் நாள் மூளை செயல்பட ஆரம்பிக்கிறது

- கருவுற்ற 6-வது வாரம் முதல் கருவின் மூளை கருவை தன் கட்டுப்பாட்டிற்குள் கொண்டுவருகிறது.

- கருவுற்ற 7-வது வாரம் முதல் பற்களின் தாடைகள் துளிர்விடுகின்றன மேலும் பால்பற்கள் முளைப்பதற்கான அறிகுறிகள் தென்படுகின்றன.

பின்னர் நாம் அதனை வேறு ஒரு படைப்பாக் (மனிதனாகச்) செய்தோம்

மேற்கண்ட அருள்மறை வசனம் கூறும் செய்தியை ஆராய்வோம்
கருவுற்ற 8-வது வாரத்தில் கரு மனித உருவத்தில் தென்படுகிறது மேலும் அனைத்து அங்கங்களும் உறுப்புக்களும் கண்டறியப்படுகிறது

- கருவுற்ற 9-வது வாரத்தில் குழந்தையின் கை விரல்களில் ரேகைகள் படர ஆரம்பிக்கிறது பின்னர் குழந்தை தன் விரல்களை அசைக்க முற்படுகிறது

- கருவுற்ற 10-வது வாரத்தில் குழந்தை கர்ப்பப் பையில் உள்ள அமிலங்களை பருக முற்படுகிறது

- கருவுற்ற 11-வது வாரத்தில் குழந்தை உறங்க கற்றுக் கொள்கிறது பிறகு விழிக்க கற்றுக்கொள்கிறது இறுதியாக சிறுநீர் கூட கழிகக் ஆரம்பிக்கிறது. அதே சமயம் சுவாச உறுப்புகளை இயக்குவதற்காகவும் அதன் வளர்ச்சிக்காகவும் இந்த குழந்தை பயிற்சி எடுக்கிறது!

- கருவுற்ற 13-வது வாரத்தில் குழந்தையின் மர்மஸ்தான உறுப்புகள் தெரிய ஆரம்பிக்கின்றன மேலும் நாக்கில் ருசியை அறியக்கூடிய நரம்புகள் வேலை செய்கின்றன.

- கருவுற்ற 14-வது வாரத்தில் குழந்தையின் செவிப்புலன்கள் வேலை செய்ய ஆரம்பிக்கின்றது.

- கருவுற்ற 17-வது வாரத்தில் கண்களில் அசைவுகள் தென்படுகின்றன. குழந்தை கனவு காண முற்படுவதாக அறிவியல் வல்லுனர்கள் தங்கள் ஆய்வில் கூறுகிறார்கள்.

- கருவுற்ற 20-வது வாரத்தில் குழந்தை வெளிச்சத்தை உணர ஆரம்பிக்கிறது தாயின் வயிற்றினுள் ஏற்படக்கூடிய சப்தங்களை காது கொடுத்து கேட்கிறது!

- கருவுற்ற 5-வது மாதத்தில் குழந்தையின் அசைவுகள் நன்றாக வெளிப்படுகின்றது

- கருவுற்ற 6-வது மாதத்தில் வியர்வை சுரப்பிகள் முளைக்க ஆரம்பிக்கின்றன. மேலும் உடலில் முடிகள் முளைப் பதற்கான செயல்பாடுகள் நடைபெறுகின்றன

- கருவுற்ற 7-வது மாதத்தில் விழிகள் திறந்து மூடுகிறது, குழந்தை சுற்றுமுற்றும் பார்க்கிறது, சுவையை அறிகிறது, தாயின் கர்ப்பப் பையை மெதுவாக தொட்டு உணருகிறது.

- கருவுற்ற 8-வது மாதத்தில் குழந்தையின் மிருதுவான தோல் சருமங்கள் சற்று மேம்பட ஆரம்பிக்கிறது.

கருவுற்ற 9-வது மாதம் அதாவது 266 அல்லது 294ம் நாள் தன் கருவளர்ச்சியை முழுவதுமாக அடைந்து குழந்தை இந்த உலகில் காலடி எடுத்துவைக்க தயாராகிவிடுகிறது.

மேலே தாங்கள் கண்ட அனைத்து அறிவியல் அதிசயங்சளையும் கீழ்கண்ட அருள்மறை குர்ஆனின் வசனம் மெய்ப்படுத்துகிறதா? என்பதை சற்று யோசித்துப்பாருங்கள்
“நிச்சயமாக (முதல்) மனிதனை களிமண்ணின் மூலச்சத்திலிருந்து படைத்தோம். பின்னர், (அதற்கான உள்ள) ஒரு பாதுகாப்பான இடத்தில் (கர்ப்பப்பையில்) நாம் அவனை இந்திரியத் துளியாக்கினோம். பின்னர் அந்த இந்திரியத் துளியை ‘அலக்’ என்ற நிலையில் ஆக்கினோம்! பின்னர் அலக் என்பதை ஒரு தசைப்பிண்டமாக்கினோம்! பின்னர் அந்த தசைப் பிண்டத்தை எலும்புகளாகவும் ஆக்கினோம்! பின்னர் அவ்வெலும்புகளுக்கு மாமிசத்தை அணிவிதோம்! பின்னர் நாம் அதனை வேறு ஒரு படைப்பாக் (மனிதனாகச்) செய்தோம்! (இவ்வாறு படைத்தவனாகிய) அல்லாஹ் பெரும் பாக்கியமுடையவன் (படைப்பாளர்களில் எல்லாம்) மிக அழகான படைப்பாளன். (அல்குர்ஆன் 23:12-14)
நீங்கள் உண்மையாளர்களாக இருந்தால் இஸ்லாத்திற்குள் வாருங்கள் அல்லாஹ் உங்களுக்கு அருள்புரிவானாக!

அல்ஹம்துலில்லாஹ்! சுப்ஹானல்லாஹ்! அல்லாஹு அக்பர்

சாலைவிதியை காப்போம் !

2011-11-20T23:40:00.001+03:00

வாழ்க்கையின் எல்லா பாகங்களிலும் விழிப்புணர்வோடு இருந்தாலும், பிறரின் மயக்க நிலைகளும், பொறுப்பில்லா தன்மையும் நம்மை பாதிக்கச் செய்துவிடும் அபாயமும் இருக்கிறது. இதில் முதன்மையானது சாலை விபத்துக்கள்...
சாலை விபத்துக்களின் மூலம் என்ன? எப்படி தடுக்கலாம்? என்ற ரீதியில் செல்லும் கட்டுரைக்குள் செல்வோம் வாருங்கள்

தமிழகத்தில் ஒரு ஆண்டுக்கு மட்டும் 36 ஆயிரம் பேர்!ஓட்டு மொத்த இந்தியாவில் ஒரு மணி நேரத்திற்கு 14 பேர்! இதெல்லாம் ஏதோ சாதனைசெய்பவர்களின் புள்ளி விபரம் அல்ல!

இந்த புள்ளி விபரங்கள் அனைத்துமே நம் நாட்டில் சாலை விபத்தில் மரணமடைபவர்களின் எண்ணிக்கை! இதை செய்தி தாள்களிலோ அல்லதுகேள்விப்படும்போதோ நமக்கு இது செய்தியாக மட்டுமே கடந்து போகும்..

ஆனால் இது கணவனை.. ஒரே மகனை.. குடும்பத்தை...இழப்பவர்களுக்கு வாழ்நாள் வலி! விபத்துகள் விட்டு செல்லும் வடு கொடுமையானது!

கண நேர அலட்சியம் நம் குடும்பத்தை நடுத்தெருவில் நிறுத்திவிடும் அபாயமுண்டு! முதலில் நம் நாட்டில் நடக்கும் சாலை விபத்துக்களை பற்றி பார்ப்போம்!

உலகிலேயே அதிக சாலை விபத்து மரணங்கள் இந்தியாவில்தான் ஏற்படுகின்றன. இந்தியாவில் ஒரு மணி நேரத்துக்கு 14 பேர் சாலை விபத்துக்களில் பலியாகின்றனர். இது உலகிலேயே அதிகம். தினமும் 250 பேர் பலியாகின்றனர்.

தமிழகத்தில் மட்டும் ஆண்டுக்கு 12 ஆயிரத்து 36 பேர் பலியாகின்றனர். இதில் 85சதவீதம் ஆண்கள். இவர்களில் 70 சதவீதம் பேர் சம்பாதிக்கும் திறனுள்ள 30- 59வயதுள்ளவர்கள்.

சாலை விபத்துக்களால் நாட்டின் மொத்த உள்நாட்டு உற்பத்தியில் ஒரு சதவீதம் இழப்பு ஏற்படுவதாக மதிப்பிடப்பட்டுள்ளது. உலக வங்கியின் கணிப்புப்படி வளரும் நாடுகளுக்கு ஆண்டுதோறும் 100 பில்லியன் டாலர் அளவுக்கு இழப்பு ஏற்படுகிறது.

இத்தொகையானது வளரும் நாடுகளுக்கு வளர்ந்த நாடுகள் தரும் மேம்பாட்டு உதவி நிதியை காட்டிலும் இருமடங்கு அதிகம். ஆண்டுதோறும் சாலை விபத்துக்களால் ஏற்படும் உயிர்ப்பலிகள் எட்டு சதவீதம் அதிகரித்து வருகிறது.

உலகில் ஏற்படும் பத்து சாலை விபத்து சாவுகளில் ஒருவர் இந்தியர் என்பது அதிர்ச்சி தரும் புள்ளிவிபரம்.நாட்டின் மொத்த வாகன விபத்துக்களில் தமிழகத்தில் 14.1சதவீதம், மகராஷ்டிராவில் 12.4 சதவீதம் நடந்துள்ளன.(தமிழகம் வளர்கிறது!)

நம் நாட்டில் சாலை விபத்துக்களுக்கு முக்கிய காரணம் குடித்துவிட்டு வாகனம்ஓட்டுவது! இது தனக்கு மட்டும் அல்ல.. மற்ற வாகன ஓட்டிகளுக்கும் ஆபத்தானது!

அடுத்து செல்போன் பேசிக்கொண்டு வாகனம் ஓட்டுவது.. இந்த வகை விபத்துகள் இப்பொழுது அதிகரித்து வருகிறது!

அடுத்து தலைக்கவசம்(ஹெல்மெட்) இல்லாமல் ஓட்டுவது…… மற்றும் ஓய்வில்லாத பணிசுமை.. இப்படி விபத்துக்களுக்கு காரணங்கள் பலவகை! ஆனால் முடிவு ஒன்றுதான்.. உயிர்ப்பலி!

இவற்றைப்பற்றிய சரியான விழிப்புணர்வு நம் மக்களிடம் இல்லை.. அனைவருமே எண்ணுவது நமக்கெல்லாம் அது நடக்காது என்று! நடக்காதவரை சந்தோசமே.. நடந்துவிட்டால் நம்மை நம்பி உள்ளவர்களின் கதி? இதை நினைத்தாவது நாம்விழித்துக்கொள்ளவேண்டும்!

போக்குவரத்து விதிகளை சரியாக மதித்து நடந்தாலே விபத்துக்கள் பாதியாக குறைந்து விடும்! ஆனால் அனைவருக்குமே அவசரம்... பொறுமை இல்லை.. வாழ்வதர்க்குகூட!

நம் நாட்டில் ஓட்டுனர் உரிமசீட்டு வழங்கும் அடிப்படையே தவறு! உரிமசீட்டு வைத்துள்ள எத்தனைபேர் விதிகளை பற்றி சரியான புரிதலில் உள்ளனர்? அனைத்துமே முகவர்களின் கட்டுப்பாட்டில் உள்ளது! முகவரை தவிர்த்து நீங்கள் உரிமம் எடுக்க நினைத்தால் அதை அந்த RTO கூட விரும்புவதில்லை!

இதுதான் நம் நாட்டின் இன்றைய நிலைமை! உரிமம் எடுக்கும் முறைகளில் ஆதிகாலம் தொட்டு ஒரே முறைதான் பின்பற்றப்படுகிறது! இந்த முறையில் நீங்கள் வீட்டில் இருந்தபடியே உரிமம் எடுக்கலாம்! (பணமிருந்தால்!) இதை மறுத்தாலும் இதில் உண்மை இல்லையென்று சொல்லமுடியுமா?

போக்குவரத்து காவலர்களின் பங்கு அதற்குமேல்! அவர்களுக்கு தேவை லஞ்சம்! நான் அனைவரையும் சொல்லவில்லை.. இதிலும் இட்ட பணிக்காக வெயில் மழை பாராமல் தூசியில் நடுரோட்டில் நின்றுகொண்டு பணிசெய்யும் பலபேரை பார்த்திருக்கிறேன்! அவர்களுக்கு என் சல்யூட்!

விதிகளை மீறும் யாரும் தண்டனைக்கு பயப்படவில்லை! மாட்டினால் ஐம்பது அல்லது நூறுதானே என்ற மனநிலைக்கு வந்து விட்டனர்! மாறாக அவர்களை அபராதங்களை நீதிமன்றத்திலோ அல்லது மற்ற அரசாங்க அலுவலகங்களிலோ கட்டும் முறைகளை கொண்டுவந்தால் கால விரயங்களுக்கு பயந்தாவது விதிகளைமதிக்க முயற்சி செய்வார்கள்!

( இதில் நீதிமன்றத்திற்கு செல்லும்முறை ஏற்க்கனவே உள்ளது..ஆனால் அந்த அளவுக்கு யாரும் செல்வதில்லை மாமூலாக முடித்து விடுகின்றனர்!)

இப்போதுள்ள இளைய தலைமுறைகளுக்கு சாலை பாதுகாப்பின் அவசியத்தை வலியுறுத்த வேண்டும்! இனி வரும் தலைமுறையாவது விதிகளை மீறாத தலைமுறையாக இருக்கவேண்டும்! ஆனால் இதுவும் கனவாக போய்விடுமோ என்ற அச்சம் உள்ளது..

காரணம்..கடந்த ஆண்டில் சாலை விதிகள் பின்பற்றுவதன் அவசியத்தை பள்ளி மாணவர்கள் அறிந்து கொள்ளும் வகையிலும் புதிய பாடத் திட்டத்தை அறிமுகப்படுத்த, மத்திய சாலை போக்குவரத்து மற்றும் நெடுஞ்சாலைத் துறைஅமைச்சகம் திட்டமிட்டது!

இதற்காக வல்லுனர்கள், போலீசார் மற்றும் மனிதவள மேம்பாட்டு அமைச்சக அதிகாரிகளுடன் தீவிர ஆலோசனை நடத்தி புதிய பாடத்திட்டத்தை ஆறாம் வகுப்பு முதல் பிளஸ் 2 வரை சமூகவியல் பாடத்திட்டத்தில் சேர்க்க திட்டமிட்டு உள்ளதாகஅறிவித்தார்கள்! ஆனால் இது இன்றளவும் அறிவிப்பாகவே உள்ளது!

பிரச்சனைகளை மட்டும் அலசி விட்டு தீர்வுகளை சொல்லாமல் விட்டால் எப்படி?எந்த அளவுக்கு சாத்தியம் என்று தெரிய வில்லை.. ஆனால் கண்டிப்பாக சாத்தியமாக்க வேண்டிய சில தீர்வுகளை முன்வைப்போம்! இதில் திருத்தங்கள்இருந்தால் நீங்களும் சொல்லுங்கள்! தட்டுங்கள் திறக்கப்படும் என்பதுபோல்..

1. போக்குவரத்து காவலர்களின் எண்ணிக்கையை அதிகப்படுத்துவது.. இவர்களை தலைவர்கள் வரும் பாதையை மட்டும் சரிபண்ண பயன்படுத்தாமல் மக்களுக்காகவும் பயன்படுத்தவேண்டும்!

2. இரவு நேர காவலர்களுக்கு குடித்துவிட்டு வாகனம் ஓட்டுவதை கண்டுபிடிக்கும் கருவிகளை வழங்க வேண்டும்! இப்போது உள்ளதுபோல் மருத்துவமனையே நம்பியிருப்பது கேலிக்கூத்தானது!

3. மேலை நாடுகளில் உள்ளதுபோல்..விதிகளை மீறுபவர்களுக்கு புள்ளி அளவுகளை கொண்டுவந்து தண்டனையை கடுமை ஆக்குவது! உரிமம் ரத்தாகும் பயத்தை அவர்களுக்கு உண்டாக்குவது!

4. தலைக்கவசம் பற்றிய தெளிவான ஒரே கொள்கையை நாடுமுழுவதும் கொண்டுவருவது!

5. வேகத்தை கண்காணிக்கும் கருவிகளை விரைவு சாலைகள் மற்றும் முக்கிய சாலைகளில் பொருத்துவது!

6. அளவுக்கு அதிகமான பாரம் ஏற்றி வரும் வண்டிகளை கண்காணித்து அவற்றின் உரிமங்களை ரத்து செய்யலாம் அல்லது தண்டனையைகடுமையாக்கலாம்!

7. ஓட்டுனர் உரிமம் பெறும் விதிகளை இன்னும் கடுமையாக்கலாம்.. இதில் உள்ள முகவர் தொல்லைகளை ஒழிக்கவேண்டும்!

இப்பொழுதெல்லாம் பள்ளி குழந்தைகள் அதிகமாக இருசக்கர வாகனம் ஓட்டுவதைபார்க்கிறோம்! அவர்களுக்கு வாகனங்களை வாங்கித்தரும் பெற்றோர்கள் கவனிக்கவேண்டிய விஷயம் இது!

அல்லது அரசாங்கம் இதை கவனத்தில் கொண்டு உரிமம் பெறும் வயதுவரம்பைதளர்த்தலாம்! ஏனென்றால் போன தலைமுறையில் பதினைந்து வயதுவரை மிதிவண்டி ஓட்டுவதே பெரிய விஷயம்!

ஆனால் இப்பொழுது அப்படி இல்லை! இதை மனதில் வைத்து உரிமம் பெறும் வயதை பதினெட்டில் இருந்து பதினைந்தாக குறைக்கலாம்! பழைய சட்டங்களையே பிடித்து தொங்க வேண்டிய அவசியமில்லை! அப்படி சட்டம் இருந்தாலும் அவர்கள் சட்டங்களை மீறுவதை யார் கட்டுப்படுத்துவது?

எனக்கு தெரிந்து ரோந்து போலீசார் கூட அவர்களை நிப்பாட்டுவதில்லை! அப்படி அவர்களும் உரிமம் எடுக்கமுடியும் என்றால் சாலை விதிகளை பற்றிய விழிப்புணர்வை அந்த பள்ளிகளிலே அவர்களுக்கு கொடுத்து உரிமங்களையும் அந்த பள்ளி நிர்வாகமே அவர்களுக்கு எடுக்க உதவலாம்!

அரசாங்கம் என்னதான் முயன்றாலும் மக்களாகிய நம் மனதில் மாற்றம் வரவேண்டும்! விபத்துகளை செய்திகளாக கடந்து செல்லாமல் அவற்றிலிருந்து படிப்பினைகளை கற்றுக்கொள்ளவேண்டும்! நம் வீட்டு வாசல் வந்து தட்டாமல் பார்த்துக்கொள்ளவேண்டும்! விபத்தில்லா உலகம் படைக்க சாலை விதிகளை காப்போம்! நம் உயிர் நம் குடும்பத்திற்கு முக்கியம்!

மனைவியின் மகிமையை அறிந்தால்!

2011-11-13T23:44:00.001+03:00

மனைவியின் மகிமையை அறிந்தால் இம்மையில் சுகம் மறுமையில் சுவனம்.

هُنَّ لِبَاسٌ لَّكُمْ وَأَنتُمْ لِبَاسٌ لَّهُن

‘அவர்கள் உங்களுக்கு ஆடைகளைப் போன்றவர்கள், நீங்கள் அவர்களுக்கு ஆடைகளைப் போன்றவர்கள் (சூரா அல்-பகரா 2:187).

திருமணத்தின் மூலம் நீங்கள் வெறும் மனைவியை மட்டும் பெறுவ தில்லை. அன்றிலிருந்து உங்கள் வாழ்வின் இறுதிவரை அனைத்திலும் அவள்தான். உங்கள் வாழ்க்கைத் துணைவி! இல்லத்தரசி! பங்காளி! வாழ்வின் நீண்ட பயணத்தின் வழித்துணை! எதிலும் அரவணைத்து நிற்பவள்! நீங்கள் ஏற்றம் பெற உற்ற தோழியாய் நிழலாய் வலம் வருபவள்! .

அன்று முதல் அவள்தான் உங்களுடைய ஒவ்வொரு நொடியையும், நாளையும், வருடத்தையும், சுகத்தையும், துக்கத்தையும், கனவையும், நனவையும மகிழவையும், கவலையையும் உங்களுடன் பகிர்ந்து கொள்ளப் போகிறவள்.

நீங்கள் நோயுறும்போது, அவள் உங்களை மிகுந்த அக்கறையுடன் கவனித்துக் கொள்வாள். உங்களுக்கு ஏதேனும் தேவை என்றாலும் ஓடோடி வருபவளும் அவள்தான்.

உங்களுடைய ரகசியங்களை அவள் பாதுகாப்பாள். உங்களுக்கு ஆலோசனைகள் தேவைப்படும்போது அவள்தான் உங்கள் மதி மந்திரி.

உங்கள் மனைவிதான் உங்களுடன் எப்போதும் உடன் இருப்பவள். காலையில் நீங்கள் கண் விழிக்கும்போது உங்கள் கண்கள் பார்க்கும் முதல் காட்சி அவளுடைய கண்களாகத்தான் இருக்கும். அன்றைய தினம் முழுவதும் அவள் உங்களுடன் இருப்பாள்.

சில சந்தர்ப்பங்களில் உடலால் உங்களருகில் அவள் இருக்க முடியாமல் போகும்போது அவளது நினைவுகள் உங்களை சூழ்ந்திருக்கும். காரணம் அவளது ஆன்மா, மனம், இதயம் மூன்றும் இறைவனிடம் உங்களுக்காக பிரார்த்தித்துக் கொண்டிருக்கும்.

ஒவ்வொரு நாளின் முடிவில் நீங்கள் படுக்கைக்கு போகுமுன் நீங்கள் கடைசியாகப் பார்ப்பது அவளது கண்களாகத்தான் இருக்கும். உறங்கிய பிறகும் உங்கள் கனவிலும் அவள் வலம் வருவாள். சுருக்கமாகச் சொன்னால் அவள் தான் உங்கள் உலகம்! நீங்கள்தான் அவளது உலகம்!

கணவன் மனைவி உறவைப்பற்றி குர்ஆனை விட சிறப்பாக யார் தான் கூறிவிட முடியும்? அந்த உறவின் இனிமையைப் பற்றி, அது இருக்க வேண்டிய நெருக்கத்தைப்பற்றி பேரறிவாளன் அல்லாஹ்வின் வர்ணனைகளை பாருங்களேன்!

“அவர்கள் உங்களுக்கு ஆடைகளைப் போன்றவர்கள், நீங்கள் அவர்களுக்கு ஆடைகளைப் போன்றவர்கள்” (சூரா அல்-பகரா 2:187).

எவ்வளவு எதார்த்தமான உவமை! ஆம் உண்மையில் கணவனும் மனைவியும் ஒருவருக்கொருவர் ஆடைகளைப் போன்றவர்கள். காரணம் ஆடைகள் மனிதனின் மானத்துக்கும், உடலுக்கும், பாதுகாப்பை அளிக்கின்றன.மரியாதையையும், மாண்பையும் தருகின்றன.

அழகையும், கவர்ச்சியையும் வழங்குகின்றன. கடும் பனிப் பிரதேசத்தில் பயணிக்கும் பிரயாணிக்கு அவனது ஆடை எந்த அளவுக்கு சுகத்தையும், பாதுகாப் பையும் தரும் என்று கொஞ்சம் கற்பனை செய்து பார்த்தாலே அதன் அருமை புரியும்.அந்த அளவுக்கு நமது வாழ்க்கைப் பாதையில் நமக்கு சுகத்தையும், பாதுகாப்பையும், கண்ணியத்தையும் வழங்குபவள் மனைவி தான்.

இந்த உறவு மனித வாழ்க்கையின் மற்றெல்லா உறவுகளையும் விட மிக ஆச்சர்யம் தரத்தக்க உறவு எனலாம். திருமணத்திற்குப் பிறகு திடீரென்று இணைந்த இருவரது உள்ளங்களிலும் பெருக்கெடுக்கும் காதல், பிரியம், நெருக்கம், தாம்பத்யம், கருணை, கனிவு, பரிவு, விட்டுக் கொடுத்தல் முதலானவற்றிற்கு நிகரில்லை. அதற்கான காரணம் என்ன என்றும் நாம் அறிய முனைவதில்லை.

இவ்வளவு நிகரற்ற உணர்வலைகள் இருவரது உள்ளங்களிலும் சுரந்து பெருகி பெரு வெள்ளமாய் அவர்களது வாழ்வை வளமாக்க அவர்களது படைப்பாளன் கருணைமிக்க அல்லாஹ்தான் தனது அளப்பரிய அன்பாலும், நிகரற்ற அருட்கொடைகளாலும், தனது பேராற்றல் மிக்க நுண்ணறிவாலும் காரண கர்த்தாவாக இருக்கின்றான். இந்த உண்மையை அல்-குர்ஆன் இந்த வசனத்தில் உணர்த்துகிறது.

وَاللّهُ جَعَلَ لَكُم مِّنْ أَنفُسِكُمْ أَزْوَاجًا

மேலும்,அல்லாஹ் உங்கள் வாழ்க்கைத் துணைகளை உங்களிலிருந்தே உண்டாக்கினான். (சூரா அல்-நஹ்ல் 16:72)

அல்லாஹ் இதன் மூலம் அவனது அத்தாட்சிகளை இந்த பிரபஞ்சத்தில் தேடுவோருக்கு இந்த உணர்வுகள் அவனது அத்தாட்சிகளில் உள்ளவைதான் என்று உணர்த்தி அவனது வல்லமையை மனிதர்கள் உணர்வதற்காக கீழ்க்கண்ட வசனத்தில் சொல்கின்றான்:

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ

மேலும் அவனது அத்தாட்சிகளில் ஒன்று, அதாவது அவன்தான் உங்களுக்கு துணைகளை உங்களிலிருந்தே ஏற்படுத்தினான், நீங்கள் ஒருவரை ஒருவர் புரிந்து நடந்துக் கொள்ள வேண்டுமென்பதற்காக, உங்கள் உள்ளங்களில் அன்பையும் கருணையையும் பெருகச் செய்தான். நிச்சயமாக, அறிவுடையோருக்கு இதில் தெளிவான அத்தாட்சி இருக்கிறது’ (சூரா: அல்-ரூம் 30:21).

ஆனால், அல்லாஹ்வுக்கு மனிதனின் மனநிலையைப் பற்றி நன்கு தெரியும். அது நீண்ட காலம் ஒரே நிலையில் இருக்காது, அடிக்கடி அதன் தன்மைகள் மாறும. உணர்வுகள் வேறு வடிவம் பெறும். ஏன்! காலம் ஓட ஓட காதல் கூடக் கசக்கத் துவங்கும். முறையான கவனம் செலுத்தப்படவில்லை என்றால் திருமண பந்தம் தொய்வடையக் கூடும்.

நமது முயற்சி இல்லாமல் இல்லறத்தில் எந்த நேரமும் மகிழ்ச்சி நிறைந்திருக்குமென்று எண்ணிவிடக்கூடாது. நாம் அரும்பாடு பட்டுக்

கட்டிய அந்த இல்லறக் கூட்டில் மகிழ்ச்சி நிரந்தரமாக நிலைத்திருக்க வேண்டுமென்றால் கணவன் மனைவி இருவரது கூட்டுப் பங்களிப்பு மிக மிக அவசியம்.

திருமண பந்தம் என்ற மரம் தழைத்தோங்கி வளர வேண்டுமென்றால், செடியை ஊன்றி விட்டால் மட்டும் போதாது, அந்த மரம் வளர வேண்டிய மண்ணுக்கு உரமிட்டு, நீரிட்டு பராமாரித்து, பாதுகாக்கப் பட்டால் தான் முடியும்.

பெருமானார் நபி (ஸல்) அவர்கள் தமது சீரிய பணிகளுக்கிடையேயும் தமது இல்லற வாழ்வின் மகிழ்ச்சிக்காகவும் நேரம் ஒதுக்கிய சம்பவங்களை நினைவு கூர்ந்து பாருங்கள்.தங்களது மனைவி ஆயிஷா அவர்களை பாலை வெளியில் அழைத்துச் சென்று தங்களுக்குள் ஓட்டப்பந்தயம் வைத்தார்கள். அதில் அன்னை ஆயிஷா(ரலி) வென்றார். ஆனால் சில காலத்திற்குப் பிறகு அன்னையாருக்கு எடைகூடிய காரணத்தால் அவர்களை நபியவர்கள் வென்றார்கள்.

மேலும் தங்களது மனைவியை எத்தியோப்பிய இளம் வீரர்களின் வீர விளையாட்டுக்களை காண அழைத்துச் சென்றிருக்கிறார்கள். உங்களது மனைவியைப் பற்றி நீங்கள் கொண்டிருக்கும் அன்பை அடிக்கடி வெளிக்காட்டுவது, உறவை மேலும் மேலும் பலப்படுத்த உதவும்.

நீங்கள் உங்கள் மனைவி மீது செலுத்தும் அன்புக்கு அல்லாஹ் கூலி கொடுக்கத் தவறுவதில்லை என்ற உண்மையை எண்ணிப்பாருங்கள். அதனால் தான் நபி பெருமானார் (ஸல்) அவர்கள் சொன்னார்கள்:

அல்லாஹ்வின் மகிழ்ச்சியை நாடி நீங்கள் செய்யும் ஒவ்வொரு காரியத்திற்கும் நற்கூலி உண்டு, ஒரு கவள உணவாயினும் உங்கள் மனைவியின் வாயில் நீங்கள் அன்போடு ஊட்டி விடுங்கள்.

ஆகவே, நீங்கள் செய்யக்கூடிய சின்னஞ்சிறு அன்பான காரியங்களைக் குறைவாக மதிப்பிட்டு விடாதீர்கள். மனைவிக்கு உணவு ஊட்டி விடுவது, வாகனங்களில் அவர்கள் ஏற உதவுவது போன்ற சிறுசிறு விசயங்களா யினும் சரியே. அல்லாஹ்வின் தூதர்(ஸல்) தங்களது மனைவி ஒட்டகத்தில் ஏறி அமர தங்களது கால் முட்டியை மடித்து அமர்ந்து உதவி இருக்கிறார்கள் அல்லவா?

அடிக்கடி இருவரும் சேர்ந்து அல்லாஹ்வை வணங்குவதில் ஈடுபட முயற்சி எடுத்துக்கொள்ளுங்கள். வணக்க வழிபாடுகளில் ஈடுபடுவதற்காக இரவில் விழித்தெழும் தம்பதியர்களை நபி (ஸல்)அவர்கள் வாழ்த்தியிருக் கிறார்கள். மேலும் முதலில் எழும் தம்பதியரில் ஒருவர் மற்றொருவரை விழிக்கச் செய்வதற்காக குளிர்ந்த நீரை முகத்தில் தெளிக்கத் தூண்டி இருக்கின்றார்கள்.

எப்போதும் சொல்லாலும் செயலாலும் உங்கள் மனைவியரிடம் நல்லவிதமாக நடந்துக் கொள்ள மிகுந்த முயற்சி எடுத்துக் கொள்ளுங்கள். மலர்ந்த முகத்துடன் அவர்களிடம் எப்போதும் பேசுங்கள், குடும்ப விசயங்களில் அவர்களது ஆலோசனைகளை கேட்டுப் பெறுங்கள், பிற விசயங்களிலும் அவர்களது அபிப்ராயங்களை கேட்டுத் தெரிந்து கொள்ளுங்கள். அவர்களுடன் இருந்து அளவளாவ நிறைய நேரம் எடுத்துக் கொள்ளுங்கள். இந்த விசயத்தில் அல்லாஹ்வின் தூதர்(ஸல்) சொன்ன பொன்மொழிகளை மறந்து விடாதீர்கள்.

“உங்களில் மிகச் சிறந்தவர் தங்களது மனைவியரிடம் மிகச் சிறந்தவர்” என்று பெயர் எடுப்பவர்தான்.

இறுதியாக, தம்பதியர் இணங்கி இருப்பதும், தங்களது மரணம் வரை ஒருவருக்கொருவர் பரஸ்பரம் அன்பு செலுத்தி வாழ்வதும் இயல்புதான் என்றாலும், அது போதாது. உங்கள் மனைவியிடம் அன்புடன் நடந்து கொண்டால் மட்டும் போதாது, அவர்கள் விரும்புவதை எல்லாம் நீங்களும் விரும்ப வேண்டும். அவர்களது குடும்பத்தினர் மற்றும் அவர்களது அன்புக்குப் பாத்திரமான ஒவ்வொருவரும் உங்கள் அன்புக்குப் பாத்திரமானவர்களாக ஆக வேண்டும்.

விருந்தினர்களாக உங்கள் மனைவியரின் குடும்பத்தினரோ, அவர்களுக்கு விருப்பமானவர்களோ உங்கள் இல்லத்திற்கு வந்தால் அவர்களை வரவேற்கும் முதல் நபராக நீங்கள் இருக்க வேண்டும். இதற்கும் மேலாக ஒரு விஷயம் இருக்கிறது. உங்களது மரணம் வரை அவர்களை விரும்பினால் மட்டும் போதாது, அவர்களை நீங்கள் விரும்புவது உண்மையென்றால் மரணத்திற்குப் பிறகும் அவர்கள் உங்களது மனைவியராக இருக்க விருப்பம் கொள்ள வேண்டும்.

நாம்தான் மரணத்திற்குப் பிறகும் நிரந்தர வாழ்க்கை இருப்பதை நம்பிக்கை வைத்துள்ளோமே. இவ்வுலகில் நல் அமல்களை செய்தோர் தங்களது வாழ்க்கைத் துணைவியருடனும், தங்களது பிள்ளைகளுடனும் சொர்க்கம் புகுவார்கள்.

சூரா அல்-ஜுக்ருஃப் 43:70 ல் அல்லாஹ் சொல்வதைப் பாருங்கள்:

أدْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ

நீங்களும் உங்கள் மனைவியரும் மகிழ்ச்சியோடு சுவர்க்கத்தில் நுழையுங்கள் ( என்று மறுமையில் அவர்களுக்குக் கூறப்படும்).
இந்த வசனத்தை உண்மையாக்க நபி (ஸல்) எவ்வளவு அக்கறை செலுத்தியுள்ளார்கள் என்று பாருங்கள்.

இருபத்திஐந்து வருட காலம் தங்களது வாழ்க்கைத் துணையாக இருந்த அன்னை கதீஜா பிராட்டியாரின் மறைவுக்குப் பின்னரும் நீண்ட காலம் ஆகியும் அன்னையாரின் குடும்பத்தினரை நபியவர்கள் மறக்காமல் அன்பு செலுத்தி வந்தார்கள்.

தங்களது வீட்டில் எப்போது ஆடு அறுத்தாலும் அன்னை கதீஜாவின் குடும்பத்தினருக்கு ஒரு பங்கை அனுப்பத் தவறியதில்லை. ஓருமுறை தங்களது வீட்டின் கதவு தட்டப்படும்போது அந்த ஓசையைக் கேட்ட நபி (ஸல்) அவர்கள் யா அல்லாஹ்! வந்திருப்பவர் என் மனைவி கதீஜாவின் சகோதரி ஹாலா வாக இருக்க வேண்டுமே என்று தங்களது ஆவலை வெளியிட்டார்கள்.அல்லாஹ்வின் வேதத்திலும், அண்ணல் நபி (ஸல்) அவர்களின் வாழ்விலும் நிச்சயம் மனிதாபிமானம் நீடுழி வாழ அகிலத்தாருக்கு பற்பல படிப்பினைகள் உண்டு என்பதை புரிந்து வாழ்வோமாக. INSHA ALLAH...

ராஜவீதி M.சம்சுதீன் அவர்களின் இல்லமண விழா!

2011-11-09T12:11:00.001+03:00

மணமகன் :s.ஆஸாத் அலி

மணமகள் :A.ஆயிஸா சித்தீக்கா
07/12/2011-- நாள்
பகல் 11.30 மணிக்கு

இடம் :புதுக்கோட்டை O.S.P மஹால்

அல்லாஹ்வின் நல்லருளால் இல்லறம் புகும்

இனிய அன்பு உள்ளங்களேபெற்றோர்களின் பேரிய முயற்சியால்இன்னார்க்கு இன்னாரன்று இணையும் இந்நாளில்

மல்லிகை மணம் கமழும் மலர்மாலை சூடி இருக்கும்

இம்முபாரக்கான வேளையிலேஆன்றோர்கள் சான்றோர்கள், உற்றார் உறவினர்களின்நல் ஆசிபெற்று

உடல் இரண்டாய் உள்ளம் ஒன்றாய் கலந்தே

இஸ்லாம் காட்டிய நெறிமுயைகளைப் பேணிபெருமானரின் வழி நடந்தேதங்களின் வாழ்வில் எல்லா வளமும்நலமும் பெற்று

பல்லாண்டு வாழமனமார்ந்த வாழ்த்துக்கள்!

திருமண அழைப்பிதழை காண க்ளிக்ப்ளிஸ்

http://3.bp.blogspot.com/-ZE9Fcvog2Nc/TrpBOmc_eEI/AAAAAAAACRo/hAE5pk0sBIw/s1600/s.jpg

M.A.பசீர் அஹமது அவர்களின் இல்லமண விழா

2011-11-08T12:23:00.002+03:00

மணமகன் :B.அப்துல் அஜிஸ்

மணமகள் :N.தாஹீரா பீவீ B.com

20/11/2011

ஞாயிற்றுக்கிழமை
பகல்11.30 மணிக்கு

இடம் :பாபநாசம் தளபதி திருமண மஹால்

அல்லாஹ்வின் நல்லருளால் இல்லறம் புகும்

மல்லிகை மணம் கமழும் மலர்மாலை சூடி இருக்கும்

உடல் இரண்டாய் உள்ளம் ஒன்றாய் கலந்தே

பல்லாண்டு வாழமனமார்ந்த வாழ்த்துக்கள்!

திருமண அழைப்பிதழை காண க்ளிக் ப்ளிஸ்

http://4.bp.blogspot.com/-D7TSKkvxIKU/TrjwyvNzZTI/AAAAAAAACRM/Wd6eJ3s3Dj4/s1600/Saiddik.jpg

ஹஜ்ஜின் நடைமுறை விபரங்கள்!

2011-10-30T23:40:00.000+03:00

துல்ஹஜ் 8 ஆம் நாள்:

துல்ஹஜ் 8 ஆம் நாள் தர்வியா நாளாகும். யார் தமத்துஃ முறைப்படி ஹஜ் செய்ய நாடியிருக்கின்றார்களோ அவர்கள் மீண்டும் இஹ்ராம் கட்டிக் கொண்டு, ஹஜ்ஜுக்கான கிரியைகளுக்குத் தங்களைத் தயார்படுத்திக் கொள்ள வேண்டும். மீகாத் எல்லையில் எவ்வாறு இஹ்ராம் கட்டிக் கொண்டீர்களோ, அதற்கு என்னென்ன விதிமுறைகளைக் கடைபிடித்தீர்களோ, அதைப் போலவே இப்பொழுது இஹ்ராம் கட்டிக் கொள்ளும் பொழுதும் கடைபிடிக்க வேண்டும். இருக்கும் இடத்திலிருந்தே இஹ்ராம் கட்டிக் கொள்ள வேண்டும். மக்கா வாசிகளும் இருக்கும் இடத்திலிருந்தே இஹ்ராம் கட்டிக் கொள்ள வேண்டும்.

இஹ்ராமிற்குப் பின்,

லப்பைக்கல்லாஹும்ம பி ஹஜ்

என கூறிக்கொள்ள வேண்டும்.

பொருள் : இதோ நான் வந்து விட்டேன், யா அல்லாஹ்! ஹஜ்ஜை நிறைவேற்றுவதற்காக!

கிரான் மற்றும் முஃப்ரீத் முறைப்படி ஹஜ் செய்யக் கூடியவர்கள் ஹஜ் கிரியைகள் முடியும் வரை இஹ்ராமைக் களையாது, மீகாத்தில் இஹ்ராம் செய்ததோடு இஹ்ராமிலேயே இருத்தல் வேண்டும். இதற்கு இடைப்பட்ட நேரத்தில் தொடர்ந்து இடை விடாது தல்பியாவைக் கூறிக் கொண்டே இருக்க வேண்டும்.

ஏற்கனவே நாம் சொன்னது போல நிபந்தனையின் அடிப்படையில் ஹஜ் செய்பவர்கள், அதாவது ஹஜ்ஜைத் தன்னால் பூரணமாக நிறைவேற்ற இயலாது என சந்தேகம் கொண்டிருக்கக் கூடிய நபர், அதற்காகத் தனியானதொரு நிய்யத்தை மொழிந்து கொள்ள வேண்டும் என்றும், அப்படி நிய்யத் செய்திருப்பவருக்கு ஹஜ்ஜை முறிக்கக் கூடிய சந்தர்ப்பங்கள் நிகழுமெனில் அவர், எந்த வித பரிகாரத்திற்கும் உட்பட மாட்டார் என்றும், அவர் மறுவருடம் விடுபட்ட ஹஜ்ஜைப் பூர்த்தி செய்ய வேண்டும் என்றும் முன்பு கூறி இருந்தோம். அதன்படி இப்பொழுது அதே முறைப்படி ஹஜ் செய்ய விரும்புபவர், அதற்கான நிய்யத்தை மொழிந்து கொள்ளலாம்.

லப்பைக்கல்லாஹும்ம லப்பைக், லப்பைக்க லா ஷரீகலக்க லப்பைக், இன்னல் ஹம்த வந்நிஃமத லகவல் முல்க், லா ஷரீகலக்.

பொருள் :

இதோ உன் அழைப்பிற்கு பதில் கூற நான் ஆஜராக உள்ளேன். யா அல்லாஹ்! இதோ உன் அழைப்பிற்குப் பதில் கூற நான் ஆஜராக உள்ளேன். இதோ உன் அழைப்பிற்குப் பதில் கூற நான் ஆஜராக உள்ளேன். உனக்குக் கூட்டுக் காரர் (எவரும்) இல்லை. உன் அழைப்பிற்குப் பதில் கூற நான் ஆஜராக உள்ளேன். நிச்சயமாக புகழ், அருட்கொடை, ஆட்சி யாவும் உனக்கே உரியது. உனக்குக் கூட்டுக்காரர் (எவரும்) இல்லை.

இந்தத் தல்பியாவை ஜம்ரத்துல் அகபா என்ற ஷைத்தானின் மீது கல்லெறியும் வரைக்கும் முழங்கிக் கொண்டே இருக்க வேண்டும்.

மதிய வேளைக்கு முன்பதாக கஃபாவை விட்டுக் கிளம்பி, மினாவை நோக்கி நடக்க வேண்டும். ஹாஜி மினாவுக்குச் சென்று அங்கு லுஹர், அஸர், மக்ரிப், இஷா, பஜ்ர் ஆகிய தொழுகைகளைத் தொழ வேண்டும். இவற்றில் நான்கு ரக்அத் தொழுகைகளை இரண்டு ரக்அத்துக்களாகச் சுருக்கித் தொழுது கொள்ள வேண்டும்.

துல்ஹஜ் 9 ஆம் நாள்:

இந்நாளில் பின் வருமாறு செயல்படுவது ஷரீஅத்தின் கட்டளையாகும்.

சூரியன் உதித்த பின்னர் ஹாஜி அராஃபாவிற்குச் சென்று அங்கு சூரியன் மறையும் வரை தங்க வேண்டும். சூரியன் உச்சி சாய்ந்து விட்டால் @ஹரையும் அஸரையும் சேர்த்து இரண்டு இரண்டு ரக்அத்தாகத் தொழ வேண்டும். தொழுகைக்குப் பின்னர் திக்ர், துஆ, தல்பியாவில் ஈடுபட வேண்டும். துஆவையும் அல்லாஹ்வுக்குப் பணிவதையும் அதிகப்படுத்திக் கொள்வது சுன்னத்தாகும். தனக்காகவும் பிற முஸ்லிம்களுக்காகவும் துஆக் கேட்க வேண்டும். தான் விரும்பியவற்றையெல்லாம் கேட்கலாம். துஆச் செய்யும் போது கைகளை உயர்த்துவது விரும்பத்தக்காதாகும். இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள் : அரஃபாவில் கூடி இருக்கும் மக்களைப் பார்த்து, இறைவன் தன்னுடைய மலக்குமார்கள் முன்னிலையில் மிகவும் பெருமையுடன் இவ்வாறு கூறுகின்றான், என்னுடைய அடிமைகளைப் பாருங்கள், அவர்கள் தூசி படிந்த நிலையிலும், தலைவிரிகோலமாக என்னை நோக்கி வந்து கொண்டிருக்கின்றார்கள். (அஹ்மது, மற்றும் பலர்)

அரஃபாவில் தங்குவது ஹஜ்ஜின் முதல் நிலைக் கடமைகளில் ஒன்றாகும். எவரேனும் அரஃபாவில் தங்கவில்லையானால் அவரது ஹஜ் நிறைவேறாது. அங்கு தங்குவதற்கான நேரம் 9 ஆம் நாள் சூரியன் உதயமானதிலிருந்து 10 ஆம் நாள் ஃபஜ்ர் உதயமாகும் வரையாகும். எனவே ஒருவர் இந்த நேரத்தின் இரவிலோ பகலிலோ கொஞ்ச நேரம் தங்கி விட்டால் அவரது ஹஜ் பூரணமடைந்து விடுகிறது. ஹாஜி அரஃபாவின் எல்கைக்குள் நுழைந்து விட்டார் என்பதை உறுதிப்படுத்திக் கொள்வது அவசியமாகும்.

அரஃபா தினத்தின் சூரியன் மறைந்து விட்டதென நன்கு தெரிந்தால் முஸ்தலிஃபாவை நோக்கி அமைதியாகவும் கம்பீரமாகவும் உரத்த குரலில் தல்பியாக் கூறிக் கொண்டும் செல்ல வேண்டும். சூரியன் மறைவதற்கு முன்பாக அரஃபாவை விட்டுக் கிளம்பக் கூடாது. அவ்வாறு கிளம்புபவர் ஒரு பாவத்தைச் செய்து விட்டவராவார். அவ்வாறு செய்யக் கூடியவர் உடனே அரஃபாவிற்குத் திரும்பி வந்து தங்குவதோடு, அவர் ஒரு பிராணியை பரிகாரமாகப் பலியிடுதல் வேண்டும்.

முஸ்தலிஃபா

முஸ்தலிஃபாவை அடைந்ததும் மக்ரிப், இஷாத் தொழுகைகளை சேர்த்து இஷாவை மட்டும் சுருக்கித் தொழ வேண்டும். தொழுத பின்னர் உணவு தயார் செய்வதையும் இன்ன பிற காரியங்களையும் செய்து கொள்ளலாம். ஃபஜ்ருத் தொழுகைக்கு சுறுசுறுப்பாக எழுந்து விடுவதற்காக சீக்கிரமாகத் தூங்குவது சிறப்பாகும்.

முஸ்தலிஃபாவில் பஜ்ருத் தொழுகை, சுன்னத் இரண்டு ரக்அத்துகளையும், பர்ளு இரண்டு ரக்அத்துக்களையும் நிறைவேற்ற வேண்டும்.

வயதான மற்றும் இயலாத நபர்கள் முஸ்தலிபாவிலிருந்து மீனாவுக்கு நடு இரவில் கிளம்பிச் சென்று, மினாவை அடைந்ததும் ஜம்ரத்துல் அகபா (ஷைத்தான்) வில் கல்லெறிந்து கொள்ளலாம்.

10 ஆம் நாள் (பெருநாள்)

10 ஆம் நாள் அன்று மக்காவின் கஃபா இருக்கும் திசையை நோக்கி, முடிந்தால் நின்று கொண்டு, உங்கள் முகத்தை கிப்லாவை முன்நோக்கி அல்லாஹ்வைப் புகழ்ந்து கீழ்க்கண்ட திக்ரை, நன்றாக விடியும் வரை ஓதிக் கொண்டிருப்பது நல்லது.

லா இலாஹ இல்லல்லாஹு வஹ்தஹு லா ஷரீக்கலஹு லஹுல் முல்கு வலஹுல் ஹம்து வஹுவ அலா குல்லி ஷைய்யின் கதீர்.

இந்தத் திக்ரை ஃபஜ்ருத் தொழுகையின் நேரம் வந்து விட்டால் ஃபஜ்ருத் தொழுது விட்டு அதே இடத்தில் அமர்ந்து நல்ல வெளிச்சம் வரும் வரை திகர், துஆவை அதிகப்படுத்திக் கொள்ள வேண்டும்.

ஏழு பொடிக் கற்களை பொறுக்கிக் கொண்டு தல்பியாக் கூறியவராக சூரியன் உதயமாகும் முன் மினாவை நோக்கிச் செல்ல வேண்டும்.

ஜம்ரத்துல் அகபா (ஜம்ரத்துல் குப்ரா) வை அடையும் வரை தல்பியாவைக் கூறிக் கொண்டே இருக்க வேண்டும். அங்கே கற்களை ஒவ்வொன்றாக எறிய வேண்டும். ஒவ்வொரு கல் எறியும் போதும் அல்லாஹு அக்பர் எனக் கூற வேண்டும்.

கல் எறிந்த பின்னர் அவர் ஹஜ்ஜுத் தமத்துஃ அல்லது ஹஜ்ஜுல் கிரான் செய்தவராக இருந்தால் குர்பானி கொடுக்க வேண்டும். குர்பானி இறைச்சியை அவர் சாப்பிடுவதும் தர்மம் செய்வதும் விரும்பத்தக்கதாகும்.

குர்பானி கொடுத்த பின்னர் தலைமுடி முழுவதையும் மழிக்கவோ முழவதையும் வெட்டிக் கொள்ளவோ வேண்டும். மழிப்பதே சிறந்தது. பெண் ஒவ்வொரு தலைப் பின்னல்களிலிருந்தும் விரல் நுனி அளவிற்கு (சுமார் 3 செமீ.) வெட்டிக் கொள்ள வேண்டும்.

இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள் : யார் தங்களது தலைமுடியை மழித்திக் கொள்கின்றார்களோ, அவர்களுக்கு அல்லாஹ்வின் பேரருள் மும்மடங்கு கிடைக்கின்றது என்றார்கள்.

அதன் பின்னர் இஹ்ராமின் காரணமாக தடுக்கப்பட்டிருந்த ஆடை அணிதல், மணம் பூசுதல், நகம் வெட்டுதல், முடிவெட்டுதல் போன்ற அனைத்தும் ஹலாலாகும். எனவே அதன் பின்னர் அவர் குளிப்பது, சுத்தம் செய்வது, மணம் பூசுவது, ஆடைகள் அணிவது விரும்பத்தக்கதாகும். எனினும் உடலுறவு மட்டும் கஅபத்துல்லாவை வலம் வருவது வரை தடுக்கப்பட்டதாகவே இருக்கும். இதை முதல் நிலை இஹ்ராமிலிருந்து விடுபடுதல் என அழைக்கப்படுகின்றது.

முடியை மழித்து விட்டு பின்பு குளித்து விட்டு, ஹஜ்ஜுடைய தவாஃபை நிறைவேற்றுவதற்காக மஸ்ஜிதுல் ஹராமிற்குச் செல்ல வேண்டும். இதற்கு தவாஃபுல் இஃபாழா எனக் கூறப்படும். கஅபத்துல்லாவில் 7 தடவை வலம் வந்த பின்னர் இரண்டு ரக்அத்துக்கள் தொழ வேண்டும். பின்னர் ஸயீச் செய்யுமிடத்திற்குச் சென்று ஸஃபா, மர்வா ஆகியவற்றிற்கிடையே ஏழு தடவை ஸயீச் செய்ய வேண்டும். ஸயீக்குப் பின்னர் இஹ்ராமின காரணமாகத் தடுக்கப்பட்டிருந்த அனைத்தும் ஹலாலாகும். மனைவியிடம் உடலுறவு கொள்வது உள்பட. இவர் தன்னுடைய இஹ்ராமைக் களைந்து விட்டு, இயல்பாக அவர் அணியக் கூடிய ஆடைகளை அணிந்து கொள்ளலாம்.

அன்றைய தினமே ஹஜ்ஜுடைய தவாஃபை நிறைவேற்ற இயலாதவர்கள், தங்களது இஹ்ராமையும் அவர்கள் களைந்து விட்டு தங்களது இயல்பான ஆடைகளை அணிந்து கொண்டவர்கள், இத்தகையவர்கள் மீணடும் இஹ்ராம் ஆடையை அணிந்துகொண்டு அதனை, ஹஜ்ஜினுடைய தவாஃபை நிறைவேற்றும் வரைக்கும் அணிந்திருக்க வேண்டும். இது முஹம்மது ஸல்லல்லாஹு அலைஹி வஸல்லம் அவர்களின் அறிவுறுத்தலுமாகும்.

இஹ்ராமைக் களைவதற்கு அனுமதியளிக்கப்பட்ட இந்த நாளில், எப்பொழுது நீங்கள் ஜம்ராவுக்கு கல்லெறிந்து விட்டீர்களோ, அப்பொழுதிலிருந்து மனைவியிடம் உடலுறவு கொள்வதைத் தவிர மற்ற அனைத்தும் உங்களுக்கு அனுமதியளிக்கப்பட்டுள்ளது. ஆனால் நீங்கள் மாலைக்குள் தவாஃபை நிறைவேற்றவில்லை என்றால், ஜம்ராவுக்கு கல்லெறிவதற்கு முன்பு நீங்கள் எவ்வாறு இஹ்ராம் அணிந்திருந்தீர்களோ அது போலவே, ஹஜ்ஜினுடைய தவாஃப் செய்வதற்கு முன்பு அ ணிந்து கொள்ள வேண்டும்.

சில மார்க்க அறிஞர்கள், இவ்வாறு இஹ்ராமைக் கலைந்து விட்டு மீண்டும் இஹ்ராம் அணிந்து கொள்வது கடினமானது என்று கூறி, துல்ஹஜ் 10 அன்று தவாஃபுல் இஃபாழா (ஹஜ்ஜினுடைய தவாஃபை) வை நிறைவேற்றாமலேயே இஹ்ராமைக் கலைந்து விடலாம் என்று கூறுகின்றார்கள். இறைத்தூதர் ஸல்லல்லாஹு அலைஹி வஸல்லம் அவர்கள் நமக்கு எவற்றை எவ்வாறு செய்ய வேண்டும் என்று கூறி இருக்கின்றார்களோ, அவ்வாறே அவற்றைச் செய்ய வேண்டும் என்பதை நாம் அனைவரும் நம்முடைய மனதில் கொள்ள வேண்டும். இறைத்தூதர் ஸல்லல்லாஹு அலைஹி வஸல்லம் அவர்கள் : ஹஜ்ஜினுடைய கிரியைகளை என்னைப் பார்த்துக் கற்றுக் கொள்ளுங்கள் என்று கூறினார்கள். (முஸ்லிம் மற்றும் பலர்).

ஷரீஅத் சட்டப்படி, நமக்கு எழுத்துப்பூர்வமான ஆதாரம் (குர்ஆன் மற்றும் சுன்னா) ஆகியவை இருந்தால், அவற்றிற்கு எதிராக எந்தக் கருத்தையும் நம்மால் கூற இயலாது, அந்தக் கருத்தை எவர் கூறினாலும் சரியே!

நீங்கள் ஹஜ் தமத்துஃ வைச் செய்தால், நீங்கள் மறுபடியும் ஸயீச் செய்ய வேண்டும். மற்றும் கிரான் அல்லது இஃப்ராத் முறைப்படி ஹஜ் செய்திருந்தால், நீங்கள் உங்களது முதல் வருகையின் பொழுது செய்யக் கூடிய (தவாஃபுல் குலூமில்) ஸயீச் செய்யவில்லையானால், இப்பொழுது நீங்கள் ஸயீ யைச் செய்தாக வேண்டும். இப்பொழுது நீங்கள் முழுவதுமாக இஹ்ராமிலிருந்து விடுபடலாம். இப்பொழுது, இஹ்ராமில் தடுக்கப்பட்டிருந்த அனைத்தும் உங்களுக்கு சட்டப்படி ஆகுமானதாக ஆகி விடுகின்றது.

ஹாஜி மினாவில் 11,12 ஆவது இரவுகள் தங்குவது கட்டாயமாகும். 12 ஆவது இரவு ஊருக்குப் புறப்படாமல் பிந்தி விடுபவர் 13 வது இரவும் தங்குவது கட்டாயமாகும். இரவு தங்க வேண்டுமென்பதன் கருத்து, இரவில் அதிக நேரம் அங்கு தங்க வேண்டுமென்பதாகும்.

கல்லெறிதல் பின்னர் குர்பானி கொடுத்தல் பின்னர் முடி எடுத்தல் பின்னர் வலம் வருதல் என வரிசைக்கிரமமாகச் செய்வது சுன்னத்தாகும். அவற்றை வரிசை மாற்றிச் செய்தாலும் குற்றமில்லை.

துல்ஹஜ் 11 ம் நாள்

இப்பொழுது ஹாஜிகள் மினாவுக்குத் திரும்பி வர வந்து 11, 12, 13 ஆகிய நாட்களை அங்கு தங்கிக் கழிக்க வேண்டும். இந்த நாட்களில் நான்கு ரக்அத் தொழுகைகளைச் சுருக்கி, இரண்டு ரக்அத்துக்களாகத் தொழ வேண்டும்.

இந்நாளில் ஹாஜி கல்லெறிவது கட்டாயமாகும். சூரியன் உச்சி சாய்ந்ததிலிருந்து கல்லெறிதல் நேரம் ஆரம்பமாகி விடுகின்றது. அதற்கு முன்னால் கூடாது. சிறிய தூணிலிருந்து, அதாவது மஸ்ஜிதுல் கைப்பிற்கு அருகில் உள்ள தூணிலிருந்து ஆரம்பித்துப் பின்னர் நடுத்தூணில் எறிந்த பின்னர் பெரிய தூணில் எறிந்து முடிக்க வேண்டும்.

கல்லெறியும் முறை

21 பொடிக் கற்களை தன்னுடன் எடுத்துக் கொள்ள வேண்டும். பின்னர் சிறிய தூணுக்குச் சென்று ஏழு கற்கைளை ஒவ்வொரு கல்லுடனும் அல்லாஹ{ அக்பர் எனக் கூறி எறிய வேண்டும். கற்கள் தொட்டியினுள் விழுவதைக் கவனிக்க வேண்டும். கற்களை ஒன்றன் பின் ஒன்றாக எறிய வேண்டும்.

சிறிது வலது பாகம் சென்று நின்று கொண்டு நீண்ட நேரம் துஆச் செய்வது சுன்னத்தாகும்.

இதன் பிறகு நடுத்தூணுக்குச் சென்று ஏழு கற்களை ஒவ்வொன்றாக அல்லாஹு அக்பர் எனக் கூறி எறிய வேண்டும்.

பிறகு சிறிது இடது புறம் சென்று நின்று கொண்டு நீண்ட நேரம் துஆச் செய்வது சுன்னத்தாகும்.

பெரிய தூணுக்குச் சென்று ஏழு கற்களை ஒவ்வொன்றாக தக்பீர் கூறி எறிய வேண்டும். பின்பு அங்கு நிற்காமல் சென்று விட வேண்டும். இங்கு துஆச் செய்யத் தேவையில்லை.

துல்ஹஜ் 12 ஆம் நாள்

11 ஆம் நாள் செய்தது போலவே செய்து கொள்ள வேண்டும். ஹாஜி தாமதமாகி 13 ஆவது நாளும் தங்கியிருக்க விரும்பினால் அதுவே சிறந்ததாகும். அப்படி இருந்து விட்டால் 11, 12 ஆவது நாட்களில் செல்வது போலவே செய்து கொள்ள வேண்டும். 12 ம் நாளன்று மினாவை விட்டுக் கிளம்ப முடிவு செய்து விட்டவர்கள், அன்றைய தினம் மாலை நேரத்திற்கு முன்பாக, சூரியன் மறைவதற்குள் மினாவை விட்டுக் கிளம்பி விட வேண்டும். 13 ஆம் நாளும் மினாவில் தங்கிச் செல்வது சிறப்பு வாய்ந்ததாகும்.

12 ஆம்நாள் கல்லெறிந்த பின்னர் அல்லது தாமதமாகச் செல்பவர் 13 ஆம் நாள் கல்லெறிந்த பின்னர் கஅபாவிற்குச் சென்று தவாஃப் செய்ய வேண்டும். கல்லெறியும் இடத்தில் கடுமையான கூட்டமாக இருந்தால், கல்லெறிவதைத் தாமதம் செய்து, இரவு நேரத்தில் கூட கல்லெறியலாம். இறைத்தூதர் ஸல்லல்லாஹு அலைஹி வஸல்லம் அவர்கள் கல்லெறிவதற்கென (லுஹருக்குப் பின்பு) துவக்க நேரத்தைக் குறிப்பிட்டிருக்கின்றார்கள், ஆனால் அதன் இறுதி நேரத்ததைக் குறிப்பிடவில்லை என்பது குறிப்பிடத்தக்கது.

பின்பு முடிந்தால் மகாம் இப்றாஹீமுக்குப் பின்னால் நின்று அல்லது முடியாவிட்டால் பள்ளியின் ஏதாவதொரு பாகத்தில் இரண்டு ரக்அத்துக்கள் தொழுவது சுன்னத்தாகும். இத் தவாஃப் மாதவிடாய்ப் பெண்ணுக்கும் பிரசவத்துடக்குடைய பெண்ணுக்கும் கிடையாது.

இதன் பின்னர் ஹாஜி வேறு எதிலும் ஈடுபடாமலிருப்பது கட்டாயமாகும். எனினும் துஆ, திக்ர், பயனுள்ளவற்றைச் செவியேற்பது போன்றவற்றில் ஈடுபட்டவராக மக்காவிலிருந்து வெளியேற வேண்டும். தவாஃபுக்குப் பின்னர் - நண்பர்களை எதிர்பார்ப்பது அல்லது சாமான்களை எடுத்துக் கொள்வது அல்லது வழியில் தேவைப்படுபவற்றை வாங்கிக் கொள்வது போன்ற காரணங்களுக்காக சிறிது நேரம் தங்கியிருப்பது குற்றமல்ல.

பெருநாள் தினம்

ஹாஜிகள் பெருநாள் தினத்தை (துல்ஹஜ் 10 ஆம் நாள்) இந்த முறைப்படி அமைத்துக் கொள்வது நல்லது.

• ஜம்ரத்துல் அகபா வில் கல்லெறிவது.

• குர்பானி கொடுப்பது

• தலைமுடி மழிப்பது அல்லது தலைமுடியைக் குறைப்பது

• தவாஃபுல் இபாழா

• ஸயீச் செய்தல் (தமத்துஃ முறைப்படி ஹஜ் செய்தவர்கள் மட்டும்)

இது தான் இறைத்தூதர் ஸல்லல்லாஹு அலைஹி வஸல்லம் அவர்கள் கடைபிடித்த ஹஜ்ஜின் வழிமுறையாகும். இதில் எதுவொன்றை மாற்றிச் செய்தாலும் அதனால், எந்தத் தவறும் நிகழ்ந்து விடாது.

சில முக்கியக் குறிப்புகள்

• கல்லெறிவதற்குச் சக்தியற்ற பலஹீனர்கள், வயோதிகர்கள், நோயாளிகள், சிறு குழந்தைகள் ஆகியோர்களுக்குப் பதிலாக இன்னொருவர் கல்லெறிய அனுமதி உண்டு.

• ஹஜ்ஜுச் செய்யக் கூடியவர், தன்னுடைய நாவினைப் பேணிப் பாதுகாத்துக் கொள்ள வேண்டும். பொய், புறம், திட்டுதல், வீண் விவாதம் ஆகியவற்றிலிருந்து தவிர்ந்து கொள்ள வேண்டும்.

• ஹஜ்ஜுக்குச் செல்லக் கூடியவர், தனக்கு உறுதுணையாக இருப்பதற்காக வேண்டி நல்ல நண்பர்களை, இறையச்சமுடையவர்களைத் தேர்ந்தெடுத்துக் கொள்ள வேண்டும். அடுத்ததாக, வழிச் செலவுகளுக்குரிய போதுமான பணத்தையோ அல்லது அதற்குத் தேவையான பொருளீட்டுவதற்குண்டானவற்றையோ ஏற்பாடுகள் செய்து கொண்டு செல்ல வேண்டும். வழிச் செலவுகளுக்கு ஹஜ்ஜின் பொழுது, வியாபாரம் செய்து கொள்ளலாம்.

• இஹ்ராமில் இருக்கக் கூடியவர் குளிக்கலாம், குளித்த பின் தன்னைத் தூய்மைப்படுத்திக் கொள்வதற்கு துண்டுகளைப் பயன்படுத்திக் கொள்ளலாம். வாசனையற்ற சோப்பு அல்லது துணி துவைக்கப் பயன்படும் சோப்புப் பவுடர்களை உபயோகித்துக் கொள்ளலாம்.

• துல்ஹஜ் 13 ம் நாளன்று சூரியன் மறையும் வரையும், குர்பானிப் பிராணியை அறுத்துப் பலியிடுதலைப் பிற்படுத்தலாம்.

• மக்காவை விட்டு வெளியேற முடிவெடுத்து விட்ட ஹாஜி, தவாஃபுல் வதா (பிரயாண தவாஃபை) செய்யாமல் வெளிக்கிளம்பக் கூடாது.

• மாதவிடாய்த் தீட்டு, குழந்தைப் பேற்றுக்குப் பின் உள்ள தீட்டு உள்ள பெண்கள் பிரயாண தவாஃபை நிறைவேற்றாமல், மக்காவை விட்டு வெளியேறுவதில் தவறில்லை. முஹம்மது ஸல்லல்லாஹு அலைஹி வஸல்லம் அவர்கள் பெண்களுக்கென இந்தப் பிரத்யேக அனுமதியைத் தந்துள்ளார்கள். (அஹ்மது, அபூதாவூது).

ஹஜ்ஜின் பொழுது நடைபெறக் கூடிய பித்அத்-கள்

((முஹம்மது ஸல்லல்லாஹு அலைஹி வஸல்லம் அவர்களுக்குப் பின் இஸ்லாத்தில் நுழைக்கப்பட்ட இஸ்லாத்திற்குப் புறம்பான செயல்கள்)

• மஹ்ரமான ஆண்களின் துணை இல்லாமல், பெண்கள் தனியாகவோ அல்லது பெண்கள் குழுவாகவோ ஹஜ்ஜுச் செய்யச் செல்வது

• மீகாத் எல்லையை அடைவதற்கு முன்பாகவே இஹ்ராமில் பிரவேசிப்பது

• தல்பியாவை ஒன்று சேர்ந்து முழங்குவது (அவரவர் தனித் தனியாகத் தான் தல்பியாக் கூற வேண்டும்)

• மக்காவைச் சுற்றியுள்ள பள்ளிகளைச் சுற்றிப் பார்ப்பது

• மக்காவைச் சுற்றியுள்ள ஹிரா மற்றும் மற்ற மலைகளைச் சுற்றிப் பார்ப்பது

• தன்ஈம் ல் உள்ள ஆயிஷா ரளியல்லாஹு அன்ஹா அவர்களின் பள்ளிக்குச் சென்று, அதிகப்படியான உம்ராவுக்காக அங்கு இஹ்ராம் அணியச் செல்வது

• தொழுகைக்கு கையை உயர்த்துவது போல, ஹஜருல் அஸ்வத் கல்லைக் கண்டதும் கைகளை உயர்த்துவது

• யமனி முனையை முத்தமிடுவது அல்லது அதனை நோக்கிச் சைகை செய்வது

• ஜம்ஜம் தண்ணீரைக் கொண்டு கபனாடைகளையும், ஆடைகளையும் கழுவுவது

• ஹஜ்ஜின் பொழுது, ஒன்றுக்கும் மேற்பட்ட உம்ராக்களைச் செய்வது

• நபிலான வகையில் ஸயீச் செய்வது

• தொழுது கொண்டிருக்கும் நபர்களுக்கு முன்னால் நடந்து செல்வது.

மதினா ஜியாரத்

நபி ஸல்லல்லாஹு அலைஹி வஸல்லம் அவர்களின் பள்ளியில் தொழுவதற்காக அதைத் தரிசிப்பது முஸ்தஹப்பானதாகும் (விரும்பத்தக்கதாகும்.).

இங்கு தொழுவது மஸ்ஜிதுல் ஹரம் அல்லாத ஏனைய பள்ளிகளில் தொழும் ஆயிரம் தொழுகைகளை விடச் சிறந்ததாகும். இப்பள்ளியைத் தரிசிப்பது ஷரீஅத்தின் நடைமுறை என்பது காலம் முழுவதுமாகும். அதற்கென குறிப்பிட்ட நேரம் கிடையாது. அது ஹஜ்ஜில் செய்ய வேண்டிய காரியங்களில் உள்ளதல்ல என்பதைப் புரிந்து கொள்ள வேண்டும்.

ஒரு முஸ்லிம் இப்பள்ளியில் இருக்கும் வரை நபி ஸல்லல்லாஹு அலைஹி வஸல்லம் அவர்களின் கப்ரையும் அவர்களின் இரு நண்பர்களான அபூபக்கர் ரளியல்லாஹு அன்ஹு , உமர் ரளியல்லாஹு அன்ஹு , ஆகியோர்களின் கப்றுகளையும் சந்திப்பது முஸ்தஹப்பாகும். கப்று ஜியாரத் ஆண்களுக்கு மட்டுமே. பெண்களுக்கல்ல. நபி ஸல்லல்லாஹு அலைஹி வஸல்லம் அவர்கள் அடக்கமாகியுள்ள அறையின் பகுதியைத் தொடுவது அல்லது அதை வலம் வருவது அல்லது துஆச் செய்யும் போது, அதை முன்னோக்குவது கூடாது.

மதினாவில் மஸ்ஜிதுல் கூபா விற்கும் சென்று, அங்கு இரண்டு ரக்அத் தொழுவது சுன்னத்தாகும். அதில் தொழுவது, உம்ராச் செய்த நன்மையைப் பெற்றுத் தரும்.

புகையில்லா புதுவாழ்வு!

2011-10-28T10:44:00.005+03:00

ஒரு மிதமான பொழுதுபோக்கிற்காக, நண்பர்களுடன் கலந்துரையாடும்போது பிடிப்பதாக இருந்த இந்த வெண்சுருட்டுகள் இன்று அனைத்து தரப்பிலும், பழக்கமாகிப் போய், அதை விட்டொழிக்க முடியாமல் தள்ளாத வயதிலும் தடுமாற்றத்தோடு அதை தவறாமல் புகைத்து வருகிறார்கள்.

புகைப்பவருக்கு புகை பல்வேறு நோய்களை தருவது மட்டுமின்றி, அருகில் இருப்பவர்களுக்கும் சேர்த்து இலவசமாக நோய்களைத் தந்து விடுகிறது என்பதுதான் புகைப்பவர்கள் தன்னையும் அறியாமல் செய்யும் கொடும் செயல்! அப்படி என்னதான் புகையால் தீமைகள் ஏற்படுகின்றன? என்றால், முதலில் புகைபிடிக்க வேண்டும் என்ற எண்ணம் வருவதே தீய எண்ணம்தான்! ஒரு வெண் சுருட்டில் மட்டும் தார், நிக்கோட்டின், துத்தநாகம், சல்பர் போன்ற 148 வகையான வேதிப் பொருட்கள் இருக்கின்றன. இந்த நூற்றுக்கும் மேற்பட்ட வேதிப் பொருட்கள் உடலில் உள்ள அனைத்து உறுப்புகளையும் ஒரு சேர பாதிக்கும். நச்சுகளின் மொத்த நாசகாரக் கலவைதான் இந்த வெண் சுருட்டுகள்!

உலக நலவாழ்வு அமைப்பின் கூற்றுபடி ஒரு நாளைக்கு 20 வெண் சுருட்டுகள் வீதம், 20 வருடங்களுக்கு தொடர்ந்து புகைத்தால் நுரையீரலில் புற்று நோய் வர வாய்ப்புள்ளது. ஆனால் இது பல வருடங்களுக்கு முன்பு வரையறை செய்யப்பட்ட ஒரு கணிப்புதான்! ஆனால் இப்போது காலம் மாறி கிடக்கும்போது, பத்து வருட அளவிலேயே பெரும் கேடுகள் நிகழ்ந்து விடுகின்றன. முதலில் பாதிக்கப்படுவது சுவாச மண்டலம்தான். ஒவ்வாமை, தும்மல், சளித் தொந்தரவுகள், இடைவிடா இருமல், இழுப்பு போன்றவை வரும். பிறகு இது ஆஸ்துமாவாக, மூச்சிரைப்பாக மாறும். சிலருக்கு காசநோயும் வரலாம். இவற்றின் தொடர்ச்சியாக நுரையீரல் புற்றுநோயும் வரலாம். இது விளையாட்டான செயல் அல்ல. கடும் விளைவுகளில் சிக்கிக்கொண்டு சிதறுண்டு போவதற்கான ஒரு முன்னோட்டமாக அமைந்து நம்மை அழித்து விடும். பிறகு பாதிக்கப்படுவது இதயம். இதயத்தின் ரத்தக் குழாயில் நச்சுக்கள் படியும்போது இதயத்தில் சுவர்கள் தடித்து வீங்கி, ரத்தக்குழாயின் அளவு சுருங்கி மாரடைப்பு ஏற்படுவதற்கான வாய்ப்புகள் அதிகமாகின்றன.

சுருங்கச் சொன்னால் சுத்தமான குடிநீரில் அசுத்தமான கழிவு நீர் இரண்டறக் கலப்பது போலத்தான் இங்கும் நடக்கிறது. இதயத் தமனியின் வீக்கம், நுரையீரல் நீர்க்கோவை, இதயத் தசைகளின் செயலிழப்பு என்று ஏகப்பட்ட பிரச்சினைகள் ஏற்பட்டு விடுகின்றன. சில சமயங்களில் மூச்சு மண்டல - இதய செயலிழப்பும் ஒரு சேர ஏற்பட்டு அது உயிரை உடன் பறித்து விடுகிறது. புகைப்பவர்கள், தேநீர் குடித்துக்கொண்டே புகைக்கும்போது பசி உணர்வு இல்லாமல் போகிறது. இப்படி தொடர்ந்து வினைகள் நடக்கும்போது எதிர்வினையாக குடற்புண்ணும், குடற் சுருக்கமும் ஏற்பட்டு பசி இல்லாமல் போகிறது. இந்நிலை நீடித்தால் குடற்புற்று நோய் வரும். இதில் சிக்கல் என்னவென்றால் ஒரு முறை புகையை உள்ளிழுத்து வெளியில் ஊதிய பிறகு மனம் முழுவதாக நிறைவடைவதில்லை. மூளையின் முன் பக்க செல்கள் வேதிப் பொருட்களை தொடர்ந்து சுரந்து மீண்டும், மீண்டும் புகைக்கும் ஆவலை ஏற்படுத்துகின்றன. இல்லை என்றால் ஒரு விதமான பயம் - பதட்ட உணர்வு நிலைக்கு அழைத்து செல்கின்றன. இந்த நரம்பு சார்ந்த வேதிகளின் அதாவது 'கார்ட்டிசால்', 'அட்ரீனலின்' போன்றவை பழக்கத்திற்கு அடிமையாக்குகின்றன. இல்லை என்றால் மனம் குழம்பிய நிலையை தற்காலிகமாக தோற்றுவித்து விடுகின்றன. இந்த நிலைமைகளை சமாளிக்க முடியாத மனிதன் மீண்டும் அந்த நெருப்பை பற்றவைத்து விடுகிறான். அதே நெருப்பிலேயே வெந்தும் சாகிறான். மன உறுதி, தியானம், உடற்பயிற்சி, மனநல ஆலோசனை, சுயக் கட்டுப்பாடு, யோகா போன்றவற்றால் மட்டும்தான் இந்த பழக்கத்தை விட்டொழிக்க முடியும். புகை பிடிக்காமல் இருந்தால் எப்போதும் நிம்மதி கிடைக்கும். அந்த பழக்கத்திற்கு அடிமையானால், அதற்கு என்றென்றும் அடிமைதான். எதற்கும் அடிமையாகாமல் இருக்க புகையில்லா, விழிப்புணர்வு நாளில் புது உறுதி ஏற்போம். புகையை அடியோடு மறப்போம்.